Fermita malfermo

Fermita malfermo
pozicio a b c d e f g h 8 8 7 7 6 6 5 5 4 4 3 3 2 2 1 1 a b c d e f g h
Tipo	Malfermoj de la dama peono
v • d • r

Fermita malfermo estas termino uzata en ŝakludo por priskribi unu el la plej oftaj malfermaj movoj.

Fermitaj malfermoj estas tiuj, en kiuj blanko antaŭenigas la daman peonon du ĉelojn kaj nigro respondas per la sama movo, antaŭenigante la peonon de sia damo du ĉelojn.

Malfermoj klasifikitaj kiel fermitaj malfermoj komenciĝas per 1.d4 d5.

La movo 1.d4 ofertas la samajn avantaĝojn por centra disvolviĝo kaj kontrolo kiel 1.e4 sed male al reĝaj peonaj malfermaĵoj, kie la peono e4 ne estas defendita post la unua movo, la peono d4 estas protektita per la blanka damo. Ĉi tiu eta diferenco ege efikas sur la malfermo. Ekzemple dum la Reĝa Gambito malofte estas ludata hodiaŭ sur la plej altaj niveloj, la Dama Gambito daŭre estas populara armilo ĉe ĉiuj niveloj. Ankaŭ kompare kun la malfermoj de la reĝa peono, transponoj inter variantoj estas pli oftaj kaj kritikaj en fermitaj ludoj.

La Malfermo Veresov, la Sistemo Colle, la Atako Stonewall kaj la Gambito Blackmark-Diemer estas klasifikitaj kiel Malfermaĵoj de la reĝa peona ĉar Blanko ludas d4 sed ne c4. La Atako Richter-Veresov malofte estas ludata en altnivelaj ludoj. La Sistemo Colle kaj Stonewall estas sistemoj anstataŭ specifaj variantoj. Blanko disvolviĝas provante apartan formacion sen multe zorgi pri kiel nigro elektas defendi sin. Ambaŭ sistemoj estas popularaj por klubaj ludantoj ĉar ili estas facile lerneblaj, sed malofte uzataj de profesiuloj ĉar bone preparita kontraŭulo kun nigro povas egaligi tro facile. La Gambito Blackmar-Diemer estas provo de blanko malfermi liniojn kaj akiri atakŝancojn. Multaj profesiuloj konsideras ĝin tro riska por seriozaj ludoj sed ĝi estas populara ĉe amatoroj kaj en rapidaj ludoj.

La plej gravaj fermitaj malfermoj estas tiuj de la familio de la dama gambito (Blanka movo 2.c4). Por iuj, la dama gambito foje estas misnomita gambito, ĉar Blanko ĉiam povas reakiri la ofertitan peonon. En la Akceptita Dama Gambito, nigro ludas... dxc4, forlasante la centron por libera disvolviĝo kaj ŝancoj provi lasi la izolitan daman peonon de blanko kun movoj c5 kaj cxd5. La blanko havos aktivajn ŝakpecojn kaj eblojn ataki. Nigro havas du popularajn manierojn rifuzi la peonon, la Slava Defendo (2. c6) kaj la Ortodoksa Defendo (2. e6). Ambaŭ movoj kondukas al grandega arbaro de variantoj, kiuj postulas bonegan studon de la malfermoj. Inter la multaj ebloj en la Malakceptita dama gambito estas la Ortodoksa Defendo, la Defendo Lasker, la Variaĵo Cambridge-Springs, la Variaĵo Tartakower kaj la Tarrasch kaj Duon-Tarrasch defendo.

Aliaj respondoj de nigro ne estas oftaj: la Defendo Chigorin (2. Nc6) estas ludebla, sed malofta kaj la Simetria Defendo (2. c5) estas la plej rekta ŝanco de la teorio de Dama Gambito. Ĉu nigro povas egaligi nur per kopio de la movoj? Multaj malfermaj teoriuloj kredas ke ne kaj sekve la Simetria Defendo ne estas populara. La Balta Defendo (2. Kf5) prenas la plej rektan vojon por solvi la problemon de la nigra dama kuriero disvolvante ĝin dum la dua movo. Kvankam ĝi ne havas la fidon de multaj elitaj ludantoj ĝi ne estis kontestata kaj iuj grandaj grandmajstroj ludis ĝin. La Kontraŭgambito de Albin (2. e5) estas ĝenerale konsiderata tro riska por altnivelaj turniroj. Simile la Defendo Marshall (2. Ĉf6) estas tre malofta en GM-ludoj, ĉar teoriuloj konsideras ĝin definitive malpli bona por nigro.

• 1.d4 d5 Malfermo de duobla dama peono aŭ Fermita malfermo
• 1.d4 d5 2.c4 Dama gambito
• 1.d4 d5 2.c4 e5 Kontraŭgambito Albin
• 1.d4 d5 2.c4 dxc4 Dama gambito akceptita
• 1.d4 d5 2.c4 e6 Dama gambito malakceptita aŭ Ortodoksa defendo
• 1.d4 d5 2.c4 e6 3.Ĉc3 Ĉf6 4.Kg5 Ĉbd7 5.e3 c6 6.Ĉf3 Da5 Defendo Cambridge Springs
• 1.d4 d5 2.c4 c6 3.Ĉf3 Ĉf6 4.Ĉc3 e6 Duonslava defendo
• 1.d4 d5 2.c4 e6 3.Ĉc3 Ĉf6 4.Ĉf3 c6 5.e3 Ĉbd7 6.Kd3 dxc4 7.Kxc4 b5 Defendo Merano
• 1.d4 d5 2.c4 c6 Slava defendo
• 1.d4 d5 2.c4 c6 3.Ĉf3 Ĉf6 4.Ĉc3 dxc4 Sistemo Alapín
• 1.d4 d5 2.c4 c5 Simetria defendo
• 1.d4 d5 2.c4 Ĉc6 Defendo Chigorin
• 1.d4 d5 2.c4 Kf5 Balta defendo
• 1.d4 d5 2.c4 Ĉf6 Defendo Marshal
• 1.d4 d5 2.e3 Atako Stonewall
• 1.d4 d5 2.e4 Gambito Blackmar-Diemer aŭ Gambito Blackmar
• 1.d4 d5 2.Ĉf3 Ĉf6 3.e3 Sistemo Colle
• 1.d4 d5 2.Ĉf3 Ĉf6 3.Kf4 Kuriera malfermo de damo
• 1.d4 d5 2.Ĉf3 Ĉf6 3.Kg5 Atako Torre
• 1.d4 d5 2.Ĉc3 Ĉf6 3.Kg5 Malfermo Veresov aŭ Atako Richter-Veresov
• 1.d4 d5 2.Kg5 Atako Trompovsky
• 1.d4 d5 2.Kf4 Londona Sistemo