Berniera kreko
 | ||||||||||||||
|---|---|---|---|---|---|---|---|---|---|---|---|---|---|---|
 Berniera kreko
 | ||||||||||||||
| Biologia klasado | ||||||||||||||
| ||||||||||||||
| Anas bernieri (Hartlaub, 1860) | ||||||||||||||
| Konserva statuso | ||||||||||||||
 | ||||||||||||||
Aliaj Vikimediaj projektoj
| ||||||||||||||
La Berniera kreko aŭ Madagaskara kreko, Anas bernieri, estas specio de anaso de la tipa genro Anas. Ĝi estas endemia de Madagaskaro, kie ĝi troviĝas nur laŭlonge de la okcidenta marbordo.
Tiu anaso estas 40 al 45 cm longa, kaj estas ĉefe tutbruna kun rimarkinda nigra makuleco, plej forta ĉe flankoj kaj brusto. Ĝi havas nigran speguleton, kaj ties beko estas rozgriza kaj iomete subenturnita. Estas iome malfacile distingi inter masklo kaj ino ĉar ili aspektas ege simile unu al alia, malkiel ĉe multaj anasoj.
Ili preferas mangrovejojn kaj rare lasas sian habitaton kie ĝi favoras malfermajn neprofundajn flakojn kaj lagetojn, preferinde salecajn. Ili tendencas manĝi senvertebrulojn, plantomaterialon kaj insektojn. Ili nestumas en arbokavaĵoj, ĉefe ĉe mangrovo.
Nune la Berniera kreko estas minacata de formorto. Estas nur ĉirkaŭ 1,500 restantaj en la mondo. La ĉefa tialo ke tiuj anasoj estas formortontaj estas ĉar ties natura habitato, nome mangrovejoj, estas detruataj por akiri lignon kaj nafton.
La Durrell Wildlife Conservation Trust estas entreprenanta sukcesan reproduktan programon ekde 1995, post malsukcesa klopodo de 1993, pro kaptado de kvar anasoj, kiuj rezultis ĉiuj esti maskloj.
La nomo omaĝas la francan kuraciston J A Bernier.
Referencoj
[redakti | redakti fonton]- BirdLife International (2006). Anas bernieri. Internacia Ruĝa Listo de Endanĝeritaj Specioj, eldono de 2006. IUCN 2006. Elŝutita 11a Majo 2006. Mapo kaj kriterioj kial tiu specio estas endanĝerita.
Eksteraj ligiloj
[redakti | redakti fonton]- BirdLife Species Factsheet[rompita ligilo]
- Berniera kreko - durrell wildlife conservation trust Arkivigite je 2011-10-02 per la retarkivo Wayback Machine
- Berniera kreko - The Living Rainforest Arkivigite je 2011-01-02 per la retarkivo Wayback Machine
- Berniera kreko - ARKive Arkivigite je 2008-10-29 per la retarkivo Wayback Machine
| ||||||||||||||||||
