John Kerry
|
C'l artìcul chè 'l è scrit in
Miranduléś |
John Forbes Kerry, cgnusû méj cuma John Kerry (Aurora, 11 ad Dicémbar dal 1943, a s lèś /dʒɑn ˈkɛri/ in ingléś) 'l è 'n avucàt e pulìtig americàṅ, mémbar dal partî demucràtic, 68śum segretàri 'd stat e senadōr dal Massachusetts da 'l 1985 a 'l 2013.
Catòlig e laureâ in siénsi pulìtighi a l'università 'd Yale, 'l à cumbatû in dla guèra in Vietnam c'n al grâd ad tenènt.
In dal 2004 'l à vins cóntar Howard Dean e John Edwards, sarnî pò cuma vice, a 'l primàri dal sò partî dvintànd acsè al candidâ demucràtic a presidènt di Stat Unî ma in dgl'Elesiòṅ presidensiàli americàni dal 2004 al sò rivàł republicàṅ, George W. Bush, 'l al bat p'r un migliòṅ ad vōt a 'l incìrca (50.7% cóntar 48.3%) e 286 a 251 in di grand eletōr.
Al 21 ad Dicémbar dal 2012 al vîṅ numinâ segretàri 'd stat par Barack Obama a 'l sò secónd mandâ, tulénd al pòst dl'Hillary Clinton.
