Jeremy Renner

Jeremy Renner (Modesto, 7 ad Śnar dal 1971) 'l è 'n atōr e prudutōr ad film califurgnàṅ. In Itàglia al s è fat cgnósar specialmènt p'r avér recitâ in dal film Ingannevole è il cuore più di ogni cosa e, sóvra ad tut, par The Avengers dal 2012.

Jeremy Renner da pìcul al patìs la separasiòṅ di sò genitōr a déś an, insém a i sò quàtar fradèi, dū masć e dū fémni. Dòp avér ciapâ al diplòma a la Fred C. Beyer High School, al pasa a 'l Junior College dla sò sità.

Al taca a lauràr faghénd dla reclàm e pò al pasa a recitàr in soquànt telefilm (cuma CSI: Scena del crimine o Dr. House - Medical Division) e film par la televiśiòṅ.

Dòp na part in dal film La scuola più pazza del mondo dal 1995, in di an Dumìla al taca a far dal part dabòṅ anc p'r al schèrum grand, cuma in dal film Dahmer - Il cannibale di Milwaukee dal 2002 in dua 'l è al prutagunìsta, n'uperàj ch'al cópa al sò vitmi par pò far-ag viulénsa carnàla.

In dal 2003 al rècita la part dal sierìf in dal vìddeo Trouble dla cantànta Pink.

In dal 2004 al vèṅ sarnî da la Asia Argento p'r al sò film Ingannevole è il cuore più di ogni cosa (Al cōr 'l ingàna da piò ad tut al rèst), ispirâ a 'l rumànś ad J.T. Leroy.

In dal 2007 'l è la vòlta dal film ad scarésa 28 settimane dopo (Vint-i-òt stmani dòp) ad Juan Carlos Fresnadillo, sequel dla pelìcula 28 giorni dopo.

La sò caréra la crés sèmpar da piò. Difàti Jeremy 'l è stâ numinâ par dū vòlti, sénsa vìnsar, a i Prèmi Òscar: cuma mijór atōr par The Hurt Locker dla Kathryn Bigelow dal 2008 (ch'al dascór ad soquànt suldâ americàṅ impgnâ in Iraq) e cuma mijór atōr minga prutagunìsta par The Town ad Ben Affleck dal 2010, pelìcula preśentàda a Venèsia fóra cuncōrs.

In dal 2011 'l è a fiànc ad Tom Cruise in dal film Mission: Impossible - Protocollo fantasma. Sèmp'r in ch'l an lè, al ciàpa la part dal vendicadōr Clint Burton (Òć ad Falchét) in dal film dedicâ a 'l Dio dal Tròṅ Thor ad Kenneth Branagh, rōl ch'al ripèt anc 'l an dòp in dal blockbuster The Avengers (I Vendicadōr), al film dla stòria ch'la muciâ sù più bèsi ad tut in di prim tri dè ad prugramasiòṅ in di Stat Unî^[1]. I fumèt di Vendicadōr, ch'i èṅ di super-eroe dla Marvel, in Itâglia i vènan fóra par la Panini Comics ad Mòdna.

• 1995 - Senior Trip - La scuola più pazza del mondo (Senior Trip), regìa ad Kelly Makin
• 2001 - Fish in a Barrel, regìa ad Kent Dalian
• 2002 - Monkey Love, regìa ad Mark Stratton
• 2002 - Dahmer - Il cannibale di Milwaukee (Dahmer), regìa ad David Jacobson
• 2003 - S.W.A.T. - Squadra speciale anticrimine (S.W.A.T.), regìa ad Clark Johnson
• 2004 - Ingannevole è il cuore più di ogni cosa (The Heart Is Deceitful Above All Things), regìa dl'Asia Argento
• 2005 - A Little Trip to Heaven, regìa ad Baltasar Kormákur
• 2005 - North Country - Storia di Josey (North Country), regìa dla Niki Caro
• 2005 - Twelwe and Holding, regìa ad Michael Cuesta
• 2005 - Neo Ned, regìa ad Van Fischer
• 2005 - Lords of Dogtown, regìa dla Catherine Hardwicke
• 2005 - Messenger (A Little Trip to Heaven), regìa ad Baltasar Kormákur
• 2006 - Love Comes to the Executioner, regìa ad Kyle Bergersen
• 2007 - L'assassinio di Jesse James per mano del codardo Robert Ford (The Assassination of Jesse James by the Coward Robert Ford), regìa 'd Andrew Dominik
• 2007 - 28 settimane dopo (28 Weeks Later), regìa ad Juan Carlos Fresnadillo
• 2007 - Take, regìa ad Charles Oliver
• 2008 - The Hurt Locker, regìa dla Kathryn Bigelow
• 2009 - Lightbulb, regìa ad Jeff Balsmeyer
• 2010 - The Town, regìa ad Ben Affleck
• 2011 - Thor, regìa ad Kenneth Branagh
• 2011 - Mission: Impossible - Protocollo fantasma (Mission: Impossible - Ghost Protocol), regìa ad Brad Bird
• 2012 - The Avengers, regìa ad Joss Whedon
• 2012 - The Bourne Legacy, regìa ad Tony Gilroy
• 2013 - Hansel & Gretel - Cacciatori di streghe (Hansel & Gretel: Witch Hunters), regìa ad Tommy Wirkola
• 2013 - C'era una volta a New York (The Immigrant), regìa ad James Gray
• 2013 - American Hustle - L'apparenza inganna (American Hustle), regìa ad David O. Russell
• 2014 - La regola del gioco (Kill the Messenger), regìa ad Michael Cuesta
• 2015 - Avengers: Age of Ultron, regìa ad Joss Whedon
• 2015 - Mission: Impossible - Rogue Nation, regìa ad Christopher McQuarrie
• 2016 - Captain America: Civil War, regìa 'd Anthony Russo e 'd Joe Russo
• 2016 - Arrival, regìa ad Denis Villeneuve
• 2017 - Wind River, regìa ad Taylor Sheridan

• (EN) Al sò sit ufisiàł
• (EN) Filmugrafìa su 'l IMDb

• Wikimedia Commons contiene file multimediali su Jeremy Renner