Owain ap Huw (AS Niwbwrch)

Owain ap Huw
Owain ap Huw
Ganwyd	1518
Bu farw	1613
Dinasyddiaeth	Cymru
Galwedigaeth	gwleidydd
Swydd	Aelod Seneddol yn Senedd Lloegr, Aelod o Senedd 1545-47

Bu Owain ap Huw (tua 1518 - tua 1613) yn Aelod Seneddol Niwbwrch ym 1545^[1].

Roedd Owain ap Huw yn fab hynaf Huw ab Owain ap Meurig, Bodowen a Gwen merch Morus ap Siôn ap Maredudd, Clenennau. Roedd Owain yn nai i Lewis ab Owain ap Meurig AS Sir Fôn

Priododd ddwywaith. Yn gyntaf ag Elisabeth merch Rowland Gruffudd, Porthamel; bu iddynt un mab a dwy ferch, ei ail wraig oedd Sybil merch Syr William Gruffudd, Penrhyn, bu iddynt naw mab a phedair merch.

Gwasanaethodd fel Aelod Seneddol Niwbwrch ym 1545 ac fel Uchel Siryf Môn 1562-63 a 1579-80. Bu'n Ynad heddwch ym Môn am dros 40 mlynedd.

Priododd ei fab Huw Owain ag Elisabeth, merch ac aeres George Wirriott o Orielton, Sir Benfro, gan gychwyn ach ddylanwadol yn y sir honno lle fu disgynyddion iddo o'i fab i Syr Hugh Owen Owen, 2il Farwnig yn Aelodau Seneddol or 16g hyd 1868.^[2]

Cyfeiriadau

↑ The History of Parliament On line AP HUGH, Owen (1518-1613), of Bodeon, nr. Llangadwaladr, Anglesey [1] adalwyd 15 Rhagfyr 2015
↑ Y Bywgraffiadur arlein OWEN , BODEON ( BODOWEN ) [2] adalwyd 15 Rhagfyr 2015

Senedd Lloegr
Rhagflaenydd: Richard ap Rhydderch	Aelod Seneddol Niwbwrch 1545	Olynydd: John ap Robert Lloid

[1] The History of Parliament On line AP HUGH, Owen (1518-1613), of Bodeon, nr. Llangadwaladr, Anglesey [1] adalwyd 15 Rhagfyr 2015

[2] Y Bywgraffiadur arlein OWEN , BODEON ( BODOWEN ) [2] adalwyd 15 Rhagfyr 2015

[1]