England First Party

England First Party

Enghraifft o'r canlynol	plaid wleidyddol
Idioleg	English nationalism
Daeth i ben	14 Mehefin 2012
Dechrau/Sefydlu	2 Medi 2003
Gwladwriaeth	y Deyrnas Unedig
Gwefan	http://efp.org.uk/

Plaid genedlaetholgar Seisnig fechan yw'r England First Party (EFP) (Plaid Lloegr yn Gyntaf). Roedd ganddi ddau gynghorydd ar Gyngor Blackburn gyda Darwen rhwng 2006 a 2007. Mae'n cael ei chyfrif yn blaid asgell dde eithafol ac mae rhai yn ei disgrifio fel plaid neo-Natsïaidd.

Fe'i ffurfiwyd yn 2004 gan Mark Cotterill a fu'n sylfaenydd ac ymgeisydd Ffrindiau Americanaidd Plaid Genedlaethol Prydain (BNP). Beth bynnag, dechreuodd ef anghytuno â Phlaid Genedlaethol Prydain yn wleidyddiol, ac felly sefydlodd EFP ar ôl gadael Plaid y Cenedlaetholwyr Gwyn (White Nationalist Party).^{[angen ffynhonnell]}

Mae Plaid Lloegr yn Gyntaf wedi beirniadu cenedlaetholdeb Prydeinig ac yn cefnogi cenedlaetholdeb Seisnig. Roedd y mwyafrif o'u haelodau yn gynaelodau o Blaid Genedlaethol Prydain, fel ei hymgeisydd, Mark Cotterill.^{[angen ffynhonnell]}

Mae Plaid Lloegr yn Gyntaf hefyd yn credu mai goddefgarwch tuag at bobl hoyw sy'n gyfrifol fod yr afiechyd AIDS yn lledu.^[1]

Mae polisïau'r blaid ar gyfer Lloegr yn cynnwys:^[2]

• Atal mewnfudo a chychwyn rhaglen i anfon pob "mewnfudwr an-Ewropeaidd" yn ôl i'w gwledydd gwreiddiol.
• Sefydlu Lloegr annibynnol gyda'i senedd ei hun "o fewn Ynysoedd Prydeinig ffederal".
• Adfer y gosb eithaf am bobl a geir yn euog o lofruddio, pedoffilia a theyrnfradwriaeth.
• Adfer cosb corfforol am droseddau fel lladrad tŷ, troseddau rhywiol a delio mewn cyffuriau.
• Lloegr i dynnu allan o Undeb Ewrop a bod yn annibynnol.
• Cael gwared ar bob "ffydd a chrefydd an-Ewropeaidd ynghyd â chael gwared o'u holl mosgiau a themlau".
• Diddymu'r BBC a chyrff eraill am ei fod yn "rhy ryddfrydig".

• (Saesneg) Gwefan swyddogol Archifwyd 2006-06-22 yn y Peiriant Wayback