Emilie Autumn

Emilie Autumn
Ganwyd	22 Medi 1979  Los Angeles
Label recordio	Trisol Music Group, The End Records
Dinasyddiaeth	Unol Daleithiau America
Alma mater	Prifysgol Indiana, Bloomington
Galwedigaeth	canwr, bardd, fiolinydd, pianydd, llenor, harpsicordydd, canwr-gyfansoddwr, actor
Arddull	cerddoriaeth glasurol, dark cabaret, industrial music, electronica, cerddoriaeth yr oes newydd, Canu gwerin
Math o lais	contralto
Gwefan	http://www.emilieautumn.com/

Awdures a chantores-gyfansoddwraig Americanaidd yw Emilie Autumn (ganwyd 22 Medi 1979) sydd hefyd yn fardd, yn fiolinydd, yn bianydd, yn harpsicordydd ac yn actores.^[1]

Ganed Autumn Mae Liddell yn Los Angeles ar 22 Medi 1979. Wedi gadael yr ysgol mynychodd Brifysgol Indiana, Bloomington.^[2][3][4]

Mae arddull gerddorol Emilie Autumn yn cael ei disgrifio ganddi fel "Fairy Pop", "Fantasy Rock" neu "Victoriandustrial". Y dylanwad pennaf yw roc glam, dramâu, nofelau, a hanes, yn enwedig o oes Victoria. Wrth berfformio, mae ganddi ddawnswyr benywaidd wrth gefn (The Bloody Crumpets), a cheir elfennau o gerddoriaeth glasurol, cabaret, electronica, a roc glam gyda theatrics, a burlesque.^[5]

Fe'i magwyd yn Malibu, California, a dechreuodd ddysgu'r ffidil yn bedair oed a gadael yr ysgol rheolaidd pum mlynedd yn ddiweddarach gyda'r nod o ddod yn fiolinydd o safon fyd-eang; bu'n ymarfer wyth neu naw awr y dydd a darllenodd ystod eang o lenyddiaeth ar yr offeryn. Gwniadwraig oedd ei mam ac roedd ei thad yn Almaenwr, ond nid oedd ganddi berthynas agos gydag ef. Roedd gan ei rhieni ddiddordeb mewn cerddoriaeth, er nad oeddent eu hunain yn cannu offeryn.^[6][7]

Aeth ati i gyfansoddi ei cherddoriaeth ei hun ac astudiodd o dan amryw o athrawon ym Mhrifysgol Indiana; gadawodd ar ganol ei chwrs wedi cryn ddadlau yn ymwneud â'r berthynas rhwng cerddoriaeth glasurol a pherfformiadau byw, modern.

Aeth ati i greu ei label ei hun, Traitor Records, a chynhyrchodd albwm, On a Day: Music for Violin & Continuo gydag Enchant yn dynn ar ei sodlau, yn 2003.

Ymddangosodd fel rhan o fand cefn Courtney Love yn 2004, ar daith o'r enw America's Sweetheart, a dychwelodd i Ewrop. Cyhoeddodd Opheliac yn 2006, ar label Almaenig y Trisol Music Group.