Ceridwen Lloyd-Morgan

Ceridwen Lloyd-Morgan
Ganwyd	1950s  Bangor
Dinasyddiaeth	Cymru
Alma mater	Prifysgol Rhydychen Prifysgol Poitiers Prifysgol Cymru
Galwedigaeth	curadur llyfrgell, archifydd
Cyflogwr	Llyfrgell Genedlaethol Cymru
Gwobr/au	Cymrawd Cymdeithas Ddysgedig Cymru

Curadur llyfrgelloedd o Gymru yw Dr Ceridwen Lloyd-Morgan. Magwyd hi yn Nhregarth ger Bangor.^[1]

Astudiodd ieithoedd modern yng Ngholeg y Santes Ann, Rhydychen, Prifysgol Poitiers a Phrifysgol Cymru. Bu'n gweithio ym mhrifysgol Caerwysg am ddwy flynedd yn dysgu yn yr adran Ffrangeg ac Eidaleg.

Bu’n gweithio fel curadur llawysgrifau yn Llyfrgell Genedlaethol Cymru o 1981 ymlaen, ac yna fel Pennaeth Llawysgrifau a Delweddau Gweledol yn y Llyfrgell nes ymddeol yn 2006. Yn 2023, derbyniodd Ceridwen Gymrodoriaeth er Anrhydedd yn ystod seremonïau graddio haf Prifysgol Cymru y Drindod Dewi Sant.^[2]

Roedd Ceridwen yn un o sylfaenwyr y cyhoeddwr merched Cymreig Honno yn 1986. Mae hi hefyd yn cyfrannu at y cylchgrawn O'r Pedwar Gwynt.

Yn 2024, roedd hi'n byw yn Llanafan, Ceredigion.

• Margiad Evans (Poetry Wales Press, 1998)
• Darganfod Celf Cymru (Gwasg Prifysgol Cymru, 1999) golygwyd gyda Ivor Davies.
• Cyfres Celf 2000: Delweddau o'r Ymylon - Bywyd a Gwaith Mary Lloyd Jones (Y Lolfa, 2002)
• The Celtic World - Arthurian Literature (2004)
• Arthur in the Celtic Languages (Gwasg Prifysgol Cymru, 2019) golygwyd gyda Erich Poppe.