Вікісховішча:Анатаваньні выявы
Гэтая старонка лічыцца афіцыйным правілам Вікісховішча.
Яна адлюстроўвае стандарты ці паводзіны, зь якімі прынцыпова пагаджаюцца і ў цэлым выконваюць большасьць рэдактараў. Пры неабходнасьці сьмела абнаўляйце старонку, аднак дзеля ўнясеньня значных зьмяненьняў карыстайцеся, калі ласка, старонкай абмеркаваньня.
|
Гэтая старонка сьцісла: Анатаваньні выявы паляпшаюць апісаньні праз падачу дадатковых зьвестак. Яны маюць падкрэсьліваць рысы ў занятых выявах і быць дарэчнымі і бесстароньнімі. Весткавыя анатаваньні ўлучаюць распазнаньне людзей, мясьцінаў і падкрэсьліваньне падрабязнасьцяў. Неналежныя анатаваньні ўлучаюць заўвагі, зьняважлівыя адзнакі і недарэчны тэкст. Выбар мовы мае быць сьціслым і незалежным. Мясцовыя анатаваньні даюць гнуткасьць для пэўных відаў нататак. |
Канчатковая задача прыладаў «Вікіанатавальнік» і «Разьмяшчэньні выявы Вікізьвестак» — палепшыць зьмест зьвестак у апісаньні выявы. Анатаваньні могуць дадаць зьвесткі, што немагчыма проста ўлучыць у апісаньні. Анатаваньні могуць быць вялікай дапамогай, калі карыстацца слушна, але іншыя выкарыстаньні могуць толькі дадаць беспарадак. Разгляд асобных анатаваньняў патрабуе больш намаганьняў з боку карыстальніка, чым чытаньне апісаньня, таму ўпэўніцеся, што карыстальнікі, якія зазнаюць турботу, узнагароджваюцца, а не расчароўваюцца.
Анатаваньні выявы агулам маюць падкрэсьліваць рысы, падрабязнасьці або кропкі цікавасьці ўнутры выявы. Выявы, што могуць выйграць найбольш ад анатаваньняў, — такія занятыя выявы, як: супольныя партрэты, панарамы, паветраныя фатаграфіі, спадарожнікавыя выявы, мапы і дыяграмы. Від выяваў, што верагодна не палепшаць нататкі, — простыя выявы, якім не стае падрабязнасьці, каб спатрэбілася нататка. Напрыклад: сьцягі, гербы, кампутарныя значкі, партрэты адной асобы. Вядома, магчыма знайсьці шмат выняткаў з агульнага правіла. Тэкст нататкі мае быць дарэчным для краю выявы, акрэсьленаму ў яго полі, як і іншыя апісаньні: «варта імкнуцца да бесстароннасьці апісаньня, дзе толькі магчыма» (глядзіце Вікісховішча:Бесстароньні пункт гледжаньня). Выкарыстаньне спасылак на катэгорыі і галерэі Вікісховішча, артыкулы Вікіпэдыі заахвочваецца.
Прыклад весткавых нататак
- Распазнаньне людзей на супольных фотаздымках або карцінах. Прыклады: 1, 2, 3, 4, 5.
- Распазнаньне месцаў, прадметаў і мясьцінаў на панарамных і паветраных фотаздымках. Прыклады: 1, 2, 3, 4.
- Падкрэсьліваньне важных цяжказаўважных падрабязнасьцяў выявы. Прыклады: 1, 2.
- Распазнаньне розных складнікаў кампазыцыі. Прыклады: 1, 2.
- Павелічэньне да больш падрабязных выяваў або паказ іншага кута гледжаньня. Прыклады: 1, 2.
- Перапісваньне надпісаў, знакаў або словаў на выяве. Прыклады: 1, 2. Гэта варта рабіць толькі ў шаблёне {{Information}}, калі ўся выява — знак або надпіс. Гэта можа быць карысным у выпадку цяжкачытэльнага або -заўважнага знака. Той шаблён дапускае пераклады тэксту і можа дапускаць пошук��выя рухавікі, каб адшукаць выяву на падставе такога тэксту.
.jpg){kind=link}
.jpg){kind=link}
Прыклады неналежных і нявесткавых нататак
- Гутарка («Мне падабаецца гэта», «Гэтае фота недавыстаўлена», «Гарачае», «Паршывае ўзнаўленьне», «Апісаньне няправільнае») або агулам заўвагі пра выяву замест бесстароньняга апісаньня рысаў у выяве. Скарыстайце старонку абмеркаваньня файла для заўвагаў пра выяву (спасылка на «абмеркаваньне» ёсьць уверсе кожнай старонкі апісаньня файла).
- Нататкі, што зьмяшчаюць абразьлівыя заўвагі або небесстароньні тэкст. Такія нататкі лічаць вандалізмам.
- Надта малыя нататкі, каб убачыць. Аднак майце на ўвазе, што вы можаце глядзець на паменшанае выданьне выявы.
- Нататкі з дарэчным для ўсёй выявы тэкстам. Напрыклад, партрэтны адной асобы. Такія тлумачэньні лепш пісаць на старонцы файла, звычайна ў разьдзеле «апісаньне» табліцы {{Information}}. Рэдагуйце старонку файла наўпрост (пстрыкніце на спасылцы «рэдагаваць» уверсе старонкі), знайдзіце радок, які пачынаецца з «description=» (апісаньне=) і дадайце ваш тэкст пасьля гэтага.
- Нататкі з добра бачнымі на выяве зьвесткамі, такія як: вуха (на партрэце), самаход (на вулічным краявідзе), галава (на здымку ў поўны рост).
- Нататкі пра анімаваныя файлы, дзе нататка слушна месьціцца толькі адной рамцы. Гэтыя віды нататак найбольш верагодна зьбянтэжаць, і імі варта карыстацца з асьцярогай.
- Нататкі, які выкарыстоўваюць, каб пазначыць падрабязнасьці выявы, датычныя абмеркаваньня. Напрыклад, на старонках Вікісховішчы:Кандыдаты ў абраныя малюнкі або Вікісховішча:Запыты выдаленьня. Калі ласка, скарыстайце мясцовыя анатаваньні для гэтай задачы.
- Нататкі з жартамі і тэкстам, недатычным выявы.
- Нататкі з пазначэньнем аўтарства.
Прыміце да ўвагі: даданьне выразна неналежных нататак да выяваў лічыцца вандалізмам і прывядзе да блякаваньня ўдзельнікаў, якія дадаюць такія нататкі, пры паўторы. Зрэдку нататкі зьмяшчаюць карысныя зьвесткі, якія лепш разьмясьціць у апісаньні або на старонках гутарак. Такія зьвесткі варта скапіяваць перад прыбіраньнем нататкі.
Выбар мовы
- Калі магчыма, нататкі маюць быць сьціслымі і моўна-незалежнымі, як імёны людзей і назвы месцаў.
- Інакш у нататках варта скарыстаць:
- такія моўныя шаблёны, як {{Be-tarask}} і {{En}}, каб паказаць усе моўныя выданьні ў адной нататцы; або
- мэханізм пераключэньня мовы (глядзіце {{LangSwitch}}), каб паказаць упадабаную карыстальнікам мову.
- Спасылкі маюць быць на катэгорыі і галерэі Вікісховішча (зь міжмоўнымі спасылкамі), ангельскую Вікіпэдыю і Вікіпэдыю на мове, найбольш датычнай да выявы.
- Варта скарыстаць моўныя шаблёны (напрыклад, {{Be-tarask}}), калі спасылкі вядуць у Вікіпэдыю.
Мясцовыя анатаваньні
Рэкамэндацыі вышэй датычаць анатаваньняў выявы, разьмешчаных на старонках файла. Шматлікія віды неналежных і нявесткавых нататак вышэй будуць належнымі, калі захоўваць у якасьці мясцовых.