Archera

L' Archera hè una apartura in a facciata in petra d'un casteddu o d'una torra di difesa, par pudè tirà (par asempiu d'archibusgia) è ussirvà fora. Issa apartura t'hà a forma d'una sfetta o d'un tafonu quatratu. Issu tipu d'apartura hà cuminciatu à vede si - ma raramenti - in i bastimenti furtificati di u XIIesimu seculu eppò hè divintatu moltu più cumunu in u XIIIesimu seculu.

L'archera pò essa ussirvata in i torri di difesa di Corsica, com'è a casa di Samperu Corsu in Vicu, annantu à a cumuna si Santa Maria è Sichè. Hè suventi assuciata à un piumbatoghju.

• 
  Una archera annantu à casa di Samperu Corsu in Vicu
• 
  Una archera quatrata in Vicu, annantu a facciata di una casa

• Leandri, Franck è Chabot, Laurent (2003). Monumenti di Corsica - Monuments de Corse Edisud. Aix-en-Provence. (in francesu)

• u piumbatoghju