Rabindranath Tagore

Rabindranath Tagore (saro Bengali: Rabindranath Thakur; sorang i Jorasanko, Kolkata, India, 7 Mei 1861 – maninggal 7 Agustus 1941 i umur 80 taon [γ]) juo idokon dohot gorar Gurudev,[δ] ima sada Brahmo Samaj, panyair, dramawan, filsuf, seniman, musikus dot sastrawan Bengali. Ia sorang tingon kaluarga Brahmana Bengali, ima Brahmana na tinggal i luak Bengali, luak i anakbenua India antara India dot Bangladesh. Tagore marupaon alak Asia parjolo na mandapot anugerah Nobel i bidang sastra (1913).

Tagore muloi manulis puisi sian umur lapan taon, ia manggunaon gorar samaran “Bhanushingho” (Singa Mataniari) tu panorbitan karya puisinia na parjolo i taon 1877, dot manulis carito pondok naparjolo i umur onom bolas taon. Ia unjung sikola dasor i bagas (Home Schooling), dot tinggal i Shilaidaha, dot jotjot kehe mardalanan nadao na manjadion ia alak na pragmatis dot ida ra/manurut tu norma sosial dot adat. Baen gusarna ia tu British Raj mambaen Tagore mangalehen dukungan tu Gorakan Kamerdekaan India dot mardongan dohot Mahatma Gandhi. Dot juo arani amagoan ampir sude kaluargania, dot urangna panghargaan ni Benggala tu karya besarnia, Universitas Visva-Bharati.

Deba karya godang nia antara lain Gitanjali (Song Offerings), Gora (Fair-Faced), dot Ghare-Baire (The Home and the World), karya puisi, carito pondok dot novel tarmashur dot isaluti dunia luas. Ia juo sada reformis kabudayaan dot polymath na mamajuon seni budaya i Benggala. Dua lagu nia ngon aliran Rabindrasangeet (sadavaliran lagu naibaennia) saonnari manjadi lagu kabangsaan Bangladesh (Amar Shonar Bangla) dot India (Jana Maha Gana).

Tautan ruar

Sumberna