Abaris Hyperboreos

Abaris Hyperboreos

den a c'hallfe bezañ faltaziet, mythological Greek character

Reizh pe jener	paotr
Bro ar geodedouriezh	Hyperborea
Yezhoù komzet pe skrivet	henc'hresianeg
Micher	Apollo priest, therapist, arkitektour
Perc'henn war	Abaris's arrow

Abaris Hyperboreos (Αβάρις Υπερβορέος, Abáris Hyperboréos, gant Platon) a oa un den fur hervez mojennoù Hellaz kozh. Beleg e oa da Apollon, en amzerioù a-raok brezel Troia, pe, hervez doareoù all, en amzer Pythagoras.

Skit pe Hyperborean e oa, beajiñ a rae dre Hellaz, ha brud en devoa en Aten dreist-holl. Digant Apollon en devoa bet ur saezh, ha hervez Herakleides Pontikos e nije ganti (tro ar bed en dije graet evel-se, hep debriñ tamm), hag ouzhpenn-se e oa bet roet dezhañ ar galloud da ziouganañ. Brud en doa ivez da vout medisin, ha hervez Platon^[1] e paree an ene koulz hag ar c'horf dre ganoù-pareañ (epodai). Savet en dije un templ da Persefone e Sparta, hervez Paosanias^[2].

• Meneget eo e anv er c'hoarigan gallek les Boréades (1764), savet gant ar sonaozour gall Rameau. Beleg-meur Apollon eo Abaris, ha mab kuzh an doue. Karet eo gant ar rouanez Alphise, a zo ret dezhi dimeziñ da unan eus mibien Boreas. Gant e saezh hud e vo trec'h dezho.