Tunis

Kiblik Tunis الجمهورية التونسية (Arab) al-Jumhūriyyah al-Tūnisiyyah République tunisienne
Ibu negeri	Tunis
Nama pengendek	Tunis

Tunis (hurup Arab Gundul: تونس; basa Arab: تونس Tūnis; basa Prasman: Tunisie) atawa Kiblik Tunis (hurup Arab Gundul: کبليک تونس; basa Arab: الجمهورية التونسية al-Jumhūriyyah al-Tūnisiyyah; basa Prasman: République tunisienne) entu negara nyang paling lor di Aprika. Ni negara – bagèan deri wilayah Magrib di Aprika Lor, watesan ama Aljajaèr di kulon ama kidul-kulon, Libi di kidul-wètan, èn Laot Tenga di blèlir ama blètan. Ni negara mashur ama atu situs arkéolohis Kartago nyang sedari abad ke-9 SM, serènta Mesigit Agung Gérawan. Ni negara ngejembar ampé 163.610 km² (63.170 mi²) èn pendudukah 12,1 juta. Adapun ni negara punya hopstad nama Tunis nyang ada di panté lor-wètannya, ngambil deri nama negaranya.