Брэнер (перавал)

Брэнер (ням.: Brenner, італ.: Brennero) — пагранічны перавал ва ўсходніх Альпах, размешчаны паміж федэральнай зямлёй Ціроль (Аўстрыя) і італьянскай аўтаномнай правінцыяй Паўднёвы Ціроль.

Найбольш папулярнае дарожнае злучэнне паміж Аўстрыяй і Італіяй, таксама мае важнае значэнне для паўднёвай Германіі. У адрозненне ад Швейцарскіх перавалаў асноўныя грузаперавозкі прыходзяцца не на чыгунку, а на грузавікі. Перавал Брэнер з вышынёй 1374 метра з’яўляецца самым нізкім перавалам галоўнага альпійскага грэбня ў цэнтральных Альпах. У 1963 годзе адкрыты мост Еўропы.