Buku Titus

1:1 Ahu surat ni si Paulus, naposo ni Debata, apostel ni Jesus Kristus, hombar tu haporseaon ni angka na pinillit ni Debata, jala hombar tu panandaon di hasintongan, na domu tu hadaulaton, ᯀᯂᯮ ᯘᯮᯒᯖ᯲ ᯉᯪ ᯘᯪ ᯇᯥᯞᯘᯮ᯲ ᯉᯇᯬᯘᯬ ᯉᯪ ᯑᯩᯅᯖ ᯀᯇᯘᯬ᯲ᯖᯞᯩ᯲ ᯉᯪ ᯐᯩᯘᯘᯮ᯲ ᯄ᯦᯲ᯒᯘᯪ᯲᯲ᯖᯘᯮ᯲ ᯂᯔᯬ᯲ᯅᯒ᯲ ᯖᯮ ᯂᯇᯒᯬ᯲ᯘᯩᯀᯀ���ᯬ᯲ ᯉᯪ ᯀᯰᯄ᯦ ᯉ ᯇᯪᯉᯞᯪ᯲ᯞᯖᯪ᯲ ᯉᯪ ᯑᯩᯅᯖ ᯐᯞ ᯂᯔᯬ᯲ᯅᯒ᯲ ᯖᯮ ᯇᯉᯉ᯲ᯑᯀᯉᯬ᯲ ᯑᯪ ᯂᯘᯉᯪ᯲ᯖᯪᯝᯉ᯲ ᯉ ᯑᯬᯔᯮ ᯖᯮ ᯂᯑᯥᯞᯖᯉᯬ᯲

1:2 mangasahon pangkirimon di hangoluan na so ra suda, naung sian mula ni mulana i diparbagabaga Debata, na so margabus i, ᯔᯝᯘᯂᯉᯬ᯲ ᯇᯰᯄ᯦ᯪᯒᯪᯔᯉᯬ᯲ ᯑᯪ ᯂᯝᯬᯞᯮᯀᯉ᯲ ᯉ ᯘᯬ ᯒ ᯘᯮᯑ ᯉᯀᯮᯰ ᯘᯪᯀᯉ᯲ ᯔᯮᯞᯉ ᯤ ᯑᯪᯇᯒ᯲ᯅᯎᯅᯎ ᯑᯩᯅᯖ ᯉ ᯘᯬ ᯔᯒ᯲ᯎᯅᯘᯮ᯲ ᯤ

1:3 gabe dipapatar do hinatahonna i di tingkina i, marhite sian parjamitaon, na pinasahatna tu ahu, mangihuthon pandokkon ni Debata, Sipangolu hita… ᯎᯅᯩ ᯑᯪᯇᯇᯖᯒ᯲ ᯑᯬ ᯂᯪᯉᯖᯂᯉᯬ᯲ᯉ ᯤ ᯑᯪ ᯖᯰᯪᯂᯪᯉ ᯤ ᯔᯒ᯲ᯂᯪᯖᯩ ᯘᯪᯀᯉ᯲ ᯇᯒ᯲ᯐᯔᯪᯖᯀᯉᯬ᯲ ᯉ ᯇᯪᯉᯘᯂᯖ᯲ᯉ ᯖᯮ ᯀᯂᯮ ᯔᯝᯪᯂᯖᯮ᯲ᯂᯉᯬ᯲ ᯇᯉ᯲ᯑᯄ᯦ᯬ᯲ᯂᯉᯬ᯲ ᯉᯪ ᯑᯩᯅᯖ ᯘᯪᯇᯝᯬᯞᯮ ᯂᯪᯖ

1:4 mandapothon si Titus, anak na tutu, taringot tu haporseaon hatopan i: Asi ni roha dohot dame sian Debata Ama dohot sian Kristus Jesus, Sipalua hita! ᯔᯉ᯲ᯑᯇᯖᯬ᯲ᯂᯉᯬ᯲ ᯘᯪ ᯖᯪᯖᯘᯮ᯲ ᯀᯉᯄ᯦᯲ ᯉ ᯖᯮᯖᯮ ᯖᯒᯪᯝᯖᯬ᯲ ᯖᯮ ᯂᯇᯒᯬ᯲ᯘᯩᯀᯀᯉᯬ᯲ ᯂᯖᯬᯇᯉ᯲ ᯤ ᯀᯘᯪ ᯉᯪ ᯒᯬᯂ ᯑᯬᯂᯖᯬ᯲ ᯑᯔᯩ ᯘᯪᯀᯉ᯲ ᯑᯩᯅᯖ ᯀᯔ ᯑᯬᯂᯖᯬ᯲ ᯘᯪᯀᯉ᯲ ᯄ᯦᯲ᯒᯘᯪ᯲ᯖᯘᯮ᯲ ᯐᯩᯘᯘᯮ᯲ ᯘᯪᯇᯞᯮᯀ ᯂᯪᯖ

1:5 Umbahen na hutadingkon ho di Kreta, asa dipature, ho ulaon angka na tading i dope, dohot pabangkithon sintua di ganup huta, songon naung huaturhon tu ho. ᯀᯔᯮ᯲ᯅᯂᯉᯩ᯲ ᯉ ᯂᯮᯖᯑᯰᯪᯄ᯦ᯉᯬ᯲ᯂᯬ ᯑᯪ ᯄ᯦᯲ᯒᯩᯖ ᯀᯘ ᯑᯪᯇᯖᯮᯒᯩ ᯂᯬ ᯥᯞᯀᯉᯬ᯲ ᯀᯰᯄ᯦ ᯉ ᯖᯑᯰᯪ ᯤ ᯑᯬᯇᯩ ᯑᯬᯂᯖᯬ᯲ ᯇᯅᯰᯄ᯦ᯖᯪ᯲ᯂᯉᯬ᯲ ᯘᯉᯪ᯲ᯖᯮᯀ ᯑᯪ ᯎᯉᯇᯮ᯲ ᯂᯮᯖ ᯘᯬᯝᯉᯬ᯲ ᯉᯀᯮᯰ ᯂᯮᯀᯖᯒᯮ᯲ᯂᯉᯬ᯲ ᯖᯮ ᯂᯬ

1:6 Naeng ma nasida so hasurahan, dongan saripe ni sada parompuan, paranakkon na porsea, angka na so tarhata sineang roha manang na jungking pe. ᯉᯀᯰᯩ ᯔ ᯉᯘᯪᯑ ᯘᯬ ᯂᯘᯮᯒᯂᯉ᯲ ᯑᯬᯝᯉ᯲ ᯘᯒᯪᯇᯩ ᯉᯪ ᯘᯑ ᯇᯒᯔᯬ᯲ᯇᯮᯀᯉ᯲ ᯇᯒᯉᯄ᯦᯲ᯂᯉᯬ᯲ ᯉ ᯇᯒᯬ᯲ᯘᯩᯀ ᯀᯰᯄ᯦ ᯉ ᯘᯬ ᯖᯒ᯲ᯂᯖ ᯘᯪᯉᯩᯀᯰ ᯒᯬᯂ ᯔᯉᯰ ᯉ ᯐᯮᯰᯄ᯦ᯪ ᯇᯩ

1:7 Ai anggo sintua, sandok na so jadi hasurahan, naeng ma songon juara bagas ni Debata, unang siula roharoha, unang parpiripiri, unang sisobur tuak, unang parbada, unang parpangomo sian na so ture! ᯀᯤ ᯀᯰᯎᯬ ᯘᯉᯪ᯲ᯖᯮᯀ ᯘᯉ᯲ᯑᯄ᯦ᯬ᯲ ᯉ ᯘᯬ ᯐᯑᯪ ᯂᯘᯮᯒᯂᯉ᯲ ᯉᯀᯰᯩ ᯔ ᯘᯬᯝᯉᯬ᯲ ᯐᯮᯀᯒ ᯅᯎᯘ᯲ ᯉᯪ ᯑᯩᯅᯖ ᯥᯉᯰ ᯘᯪᯥᯞ ᯒᯬᯂᯒᯬᯂ ᯥᯉᯰ ᯇᯒ᯲ᯇᯪᯒᯪᯇᯪᯒᯪ ᯥᯉᯰ ᯘᯪᯘᯬᯅᯒᯮ᯲ ᯖᯮᯀᯂ᯦᯲ ᯥᯉᯰ ᯇᯒ᯲ᯅᯑ ᯥᯉᯰ ᯇᯒ᯲ᯇᯝᯬᯔᯬ ᯘᯪᯀᯉ᯲ ᯉ ᯘᯬ ᯖᯮᯒᯩ

1:8 Alai na basa martamue, na las roha di na denggan, na toman, na bonar, na badia, sirajai dirina. ᯀᯞᯤ ᯉ ᯅᯘ ᯔᯒ᯲ᯖᯔᯮᯀᯩ ᯉ ᯞᯘ᯲ ᯒᯬᯂ ᯑᯪ ᯉ ᯑᯰᯩᯎᯉ᯲ ᯉ ᯖᯬᯔᯉ᯲ ᯉ ᯅᯬᯉᯒ᯲ ᯉ ᯣᯑᯪᯀ. ᯘᯪᯒᯐᯤ

1:9 Na marsitiopan tu hata sihaposan i mangihuthon poda i, asa margogo ibana, mangapoi marhitehite poda na tingkos i, nang maminsang angka na manggaga. ᯉ ᯔᯒ᯲ᯘᯪᯖᯪᯀᯬᯇᯉ᯲ ᯖᯮ ᯂᯖ ᯘᯪᯂᯇᯬᯘᯉ᯲ ᯤ ᯔᯝᯪᯂᯖᯮ᯲ᯂᯉᯬ᯲ ᯇᯬᯑ ᯤ ᯀᯘ ᯔᯒ᯲ᯎᯬᯎᯬ ᯤᯅᯉ ᯔᯝᯇᯬᯤ ᯔᯒ᯲ᯂᯪᯖᯩᯂᯪᯖᯩ ᯇᯬᯑ ᯉ ᯖᯰᯪ᯲ᯄ᯦ᯘᯬ᯲ ᯤ ᯉᯰ ᯔᯔᯉᯪ᯲ᯘᯰ ᯀᯰᯄ᯦ ᯉ ᯔᯰᯎᯎ

1:10 Alai lan do angka na jengkel, angka parhata na so gabeak, na giot mangaliluhon; toropan nasida Jahudi. ᯀᯞᯤ ᯞᯉ᯲ ᯑᯬ ᯀᯰᯂ᯦ ᯉ ᯐᯰᯩᯄ᯦ᯞᯩ᯲ ᯀᯰᯄ᯦ ᯇᯒ᯲ᯂᯖ ᯉ ᯘᯬ ᯎᯅᯩᯀᯄ᯦᯲ ᯉ ᯎᯪᯀᯖᯬ᯲ ᯔᯝᯞᯪᯞᯮᯂᯉᯬ᯲ ᯖᯬᯒᯬᯇᯉ᯲ ᯉᯘᯪᯑ ᯐᯂᯮᯑᯪ

1:11 Ingkon huntamon do pamangannasida, ai digaori nasida do pangisi ni angka bagas, diajarhon do na so jadi, mambuat pangomoan hailaon. ᯀᯰᯪᯄ᯦ᯉᯬ᯲ ᯂᯉᯮ᯲ᯖᯔᯉᯬ᯲ ᯑᯬ ᯇᯔᯝᯉ᯲ᯉᯘᯪᯑ ᯀᯤ ᯑᯪᯎᯬᯀᯒᯪ ᯉᯘᯪᯑ ᯑᯬ ᯇᯝᯪᯘᯪ ᯉᯪ ᯀᯰᯄ᯦ ᯅᯎᯘ᯲ ᯑᯪᯀᯐᯒ᯲ᯂᯉᯬ᯲ ᯑᯬ ᯉ ᯘᯬ ᯐᯑᯪ ᯔᯔ᯲ᯅᯮᯀᯖ᯲ ᯇᯝᯬᯔᯬᯀᯉ᯲ ᯂᯤᯞᯀᯉᯬ᯲

1:12 Didok sahalak panurirang sian tongatonganasida: Sai tong pargapgap do halak Kreta, angka binatang pamusa, parroha butuha, angka na losok. ᯑᯪᯑᯄ᯦ᯬ᯲ ᯘᯂᯞᯄ᯦᯲ ᯇᯉᯮᯒᯪᯒᯰ ᯘᯪᯀᯉ᯲ ᯖᯬᯝᯖᯬᯝᯉᯘᯪᯑ ᯘᯤ ᯖᯰᯬ ᯇᯒ᯲ᯎᯇ᯲ᯎᯇ᯲ ᯑᯬ ᯂᯞᯄ᯦᯲ ᯄ᯦᯲ᯒᯩᯖ ᯀᯰᯄ᯦ ᯅᯪᯉᯖᯰ ᯇᯔᯮᯘ ᯇᯒ᯲ᯒᯬᯂ ᯅᯮᯖᯮᯂ ᯀᯰᯄ᯦ ᯞᯬᯘᯄ᯦ᯬ᯲

1:13 Sintong do panindangion i. Dibahen i, gomos ma paminsangmu di nasida, asa gabe hisar nasida marhaporseaon. ᯘᯉᯪ᯲ᯖᯰᯬ ᯑᯬ ᯇᯉᯉᯪ᯲ᯑᯝᯪᯀᯉᯬ᯲ ᯤ ᯑᯪᯅᯂᯉᯩ᯲ ᯤ ᯎᯬᯔᯘᯬ᯲ ᯔ ᯇᯔᯉᯪ᯲ᯘᯰᯔᯮ ᯑᯪ ᯉᯘᯪᯑ ᯀᯘ ᯎᯅᯩ ᯂᯪᯘᯒ᯲ ᯉᯘᯪᯑ ᯔᯒ᯲ᯂᯇᯒᯬ᯲ᯘᯩᯘᯀᯉᯬ᯲

1:14 Unang diantoi turiturian ni Jahudi ro di patikpatik ni jolma, angka naung manundalhon hasintongan i. ᯥᯉᯰ ᯑᯪᯀᯉ᯲ᯖᯬᯤ ᯖᯮᯒᯪᯖᯮᯒᯪᯀᯉ᯲ ᯉᯪ ᯐᯂᯮᯑᯪ ᯒᯬ ᯑᯪ ᯇᯖᯄᯪ᯲ᯇᯖᯄᯪ᯲ ᯉᯪ ᯐᯞᯬ᯲ᯔ ᯀᯰᯄ᯦ ᯉᯀᯮᯰ ᯔᯉᯉᯮ᯲ᯑᯞ᯲ᯂᯉᯬ᯲ ᯂᯘᯉᯪ᯲ᯖᯬᯝᯉ᯲ ᯤ

1:15 Ias do saluhut di angka na ias; alai ndang adong na ias di parroha na ronsam, na so porsea, ai naung ronsam do rohanasida ro di panggora ni roha i. ᯤᯀᯘ᯲ ᯑᯬ ᯘᯞᯮᯂᯖᯮ᯲ ᯑᯪ ᯀᯰᯄ᯦ ᯉ ᯤᯀᯘ᯲ ᯀᯞᯤ ᯉ᯲ᯑᯰ ᯀᯑᯰᯬ ᯉ ᯤᯀᯘ᯲ ᯑᯪ ᯇᯒ᯲ᯒᯬᯂ ᯉ ᯒᯉᯬ᯲ᯘᯔ᯲ ᯉ ᯘᯬ ᯇᯒᯬ᯲ᯘᯩᯀ ᯀᯤ ᯉᯀᯮᯰ ᯒᯉᯬ᯲ᯘᯔ᯲ ᯑᯬ ᯒᯬᯂᯉᯘᯪᯑ ᯒᯬ ᯑᯪ ᯇᯰᯎᯬᯒ ᯉᯪ ᯒᯬᯂ ᯤ

1:16 Dihatahon nasida do, naung ditanda Debata, alai disoadahon do Ibana di na niulanasida; ai hagigian do nasida jala na tois, na so tau tu manang dia ulaon na denggan. ᯑᯪᯂᯖᯂᯉᯬ᯲ ᯉᯘᯪᯑ ᯑᯬ ᯉᯀᯮᯰ ᯑᯪᯖᯉ᯲ᯑ ᯑᯩᯅᯖ ᯀᯞᯤ ᯑᯪᯘᯬᯀᯑᯂᯉᯬ᯲ ᯑᯬ ᯤᯅᯉ ᯑᯪ ᯉ ᯉᯪᯥᯞᯉᯘᯪᯑ ᯀᯤ ᯂᯎᯪᯎᯪᯀᯉ᯲ ᯑᯬ ᯉᯘᯪᯑ ᯐᯞ ᯉ ᯖᯬᯀᯘᯪ᯲ ᯉ ᯘᯬ ᯖᯥ ᯖᯮ ᯔᯉᯰ ᯑᯪᯀ ᯥᯞᯀᯉᯬ᯲ ᯉ ᯑᯰᯩᯎᯉ᯲

2:1 Alai anggo ho, hatahon ma na domu tu poda na tingkos i: ᯀᯞᯤ ᯀᯰᯎᯬ ᯂᯬ ᯂᯖᯂᯉᯬ᯲ ᯔ ᯉ ᯑᯬᯔᯮ ᯖᯮ ᯇᯬᯑ ᯉ ᯖᯰᯪᯄ᯦ᯘᯬ᯲

2:2 Naeng ma marroha na torang angka na tuatua, daulat, toman, hisar marhaporseaon, marholong jala marbenget ni roha. ᯉᯀᯰᯩ ᯔ ᯔᯒ᯲ᯒᯬᯂ ᯉ ᯖᯬᯒᯰ ᯀᯰᯄ᯦ ᯉ ᯖᯮᯀᯖᯮᯀ ᯑᯥᯞᯖ᯲ ᯖᯬᯔᯉ᯲ ᯂᯪᯘᯒ᯲ ᯔᯒ᯲ᯂᯇᯒᯬ᯲ᯘᯩᯀᯀᯉᯬ᯲ ᯔᯒ᯲ᯂᯬᯞᯰᯬ ᯐᯞ ᯔᯒ᯲ᯅᯩᯝᯖᯩ᯲ ᯉᯪ ᯒᯬᯂ

2:3 Songon i angka parompuan natuatua: Marparange na tama di na badia i, unang panihasnihasi, unang hatagian di anggur; angka sipodahon na denggan. ᯘᯬᯝᯉᯬ᯲ ᯤ ᯀᯰᯄ᯦ ᯇᯒᯔᯬ᯲ᯇᯮᯀᯉ᯲ ᯉᯖᯮᯀᯖᯮᯀ ᯔᯒ᯲ᯇᯒᯝᯩ ᯉ ᯖᯔ ᯑᯪ ᯉ ᯅᯑᯪᯀ ᯤ ᯥᯉᯰ ᯇᯉᯪᯂᯘ᯲ᯉᯪᯂᯘᯪ ᯥᯉᯰ ᯂᯖᯎᯪᯀᯉ᯲ ᯑᯪ ᯀᯰᯎᯒᯮ᯲ ᯀᯰᯄ᯦ ᯘᯪᯇᯬᯑᯂᯉᯬ᯲ ᯉ ᯑᯰᯩᯎᯉ᯲

2:4 Naeng ma apoapoannasida angka parompuan na poso, mangkaholongi sinondukna dohot anakkonna, ᯉᯀᯰᯩ ᯔ ᯀᯇᯬᯀᯇᯬᯀᯉ᯲ᯉᯘᯪᯑ ᯀᯰᯄ᯦ ᯇᯒᯔᯬ᯲ᯇᯮᯀᯉ᯲ ᯉ ᯇᯬᯘᯬ ᯔᯰᯄ᯦ᯂᯬᯞᯬᯝᯪ ᯘᯪᯉᯉᯬ᯲ᯑᯄ᯦ᯮ᯲ᯉ ᯑᯬᯂᯖᯬ᯲ ᯀᯉᯄ᯦᯲ᯄ᯦ᯉᯬ᯲ᯉ

2:5 mamarangehon hatomanon, hapormanon, mangaringkoti ulaonna di bagas, marbasabasa, marunduk ni roha maradophon hamulianna be, unang hona insak hata ni Debata. ᯔᯔᯒᯝᯩᯂᯉᯬ᯲ ᯂᯖᯬᯔᯉᯉᯬ᯲ ᯂᯇᯒᯬ᯲ᯔᯉᯉᯬ᯲ ᯔᯝᯒᯰᯪᯄ᯦ᯬᯖᯪ ᯥᯞᯀᯉᯬ᯲ᯉ ᯑᯪ ᯅᯎᯘ᯲ ᯔᯒ᯲ᯅᯘᯅᯘ ᯔᯒᯉᯮ᯲ᯑᯄ᯦ᯮ᯲ ᯉᯪ ᯒᯬᯂ ᯔᯒᯑᯇᯬ᯲ᯂᯉᯬ᯲ ᯂᯔᯮᯞᯪᯀᯉ᯲ᯉ ᯅᯩ ᯥᯉᯰ ᯂᯬᯉ ᯀᯉᯪ᯲ᯘᯄ᯦᯲ ᯂᯖ ᯉᯪ ᯑᯩᯅᯖ

2:6 Laos songon i ma apoi baoa angka na umposo, asa marhatomanon. ᯞᯀᯘᯬ᯲ ᯘᯬᯝᯉᯬ᯲ ᯤ ᯔ ᯀᯇᯬᯤ ᯅᯀᯬᯀ ᯀᯰᯄ᯦ ᯉ ᯀᯔᯮ᯲ᯇᯬᯘᯬ ᯀᯘ ᯔᯒ᯲ᯂᯖᯬᯔᯉᯉᯬ᯲

2:7 Sandok pajongjong dirim tiruan di angka ulaon na denggan, polin di pangajarion, marhatomanon. ᯘᯉ᯲ᯑᯄ᯦ᯬ᯲ ᯇᯐᯰᯬᯐᯰᯬ ᯑᯪᯒᯔᯪ᯲ ᯖᯪᯒᯮᯀᯉ᯲ ᯑᯪ ᯀᯰᯄ᯦ ᯥᯞᯀᯉᯬ᯲ ᯉ ᯑᯰᯩᯎᯉ᯲ ᯇᯬᯞᯉᯪ᯲ ᯑᯪ ᯇᯝᯐᯒᯪᯀᯉᯬ᯲ ᯔᯒ᯲ᯂᯖᯬᯔᯉᯉᯬ᯲

2:8 Naeng tingkos poda i, so tarsual, asa maila na mangalo i, ala so dapot na roa sidohononna maralohon hita. ᯉᯀᯰᯩ ᯖᯰᯪᯄ᯦ᯘᯬ᯲ ᯇᯬᯑ ᯤ ᯖᯒ᯲ᯘᯮᯀᯞ᯲ ᯀᯘ ᯔᯤᯞ ᯉ ᯔᯝᯞᯬ ᯤ ᯀᯞ ᯘᯬ ᯑᯇᯖᯬ᯲ ᯉ ᯒᯬᯀ ᯘᯪᯑᯬᯂᯬᯉᯉᯬ᯲ᯉ ᯔᯒᯞᯬᯂᯉᯬ᯲ ᯂᯪᯖ

2:9 Dioloi angka anak somang ma indukna be, patupahon lomo ni rohana di na saluhutna; unang ma manggagai! ᯑᯪᯀᯬᯞᯬᯤ ᯀᯰᯄ᯦ ᯀᯉᯄ᯦᯲ ᯘᯬᯔᯰ ᯔ ᯀᯉᯪ᯲ᯑᯄ᯦ᯮ᯲ᯉ ᯅᯩ ᯇᯖᯮᯇᯂᯉᯬ᯲ ᯞᯬᯔᯬ ᯉᯪ ᯒᯬᯂᯉ ᯑᯪ ᯉ ᯘᯞᯮᯂᯖᯮ᯲ᯉ ᯥᯉᯰ ᯔ ᯔᯰᯎᯎᯤ

2:10 Unang ma mangahuti; dipatuduhon ma nasida haposan di sasude asa sandok marsangap poda ni Debata, Sipalua hita, dibahen. ᯥᯉᯰ ᯔ ᯔᯝᯂᯮᯖᯪ ᯑᯪᯇᯖᯮᯑᯮᯂᯉᯬ᯲ ᯔ ᯉᯘᯪᯑ ᯂᯇᯬᯘᯉ᯲ ᯑᯪ ᯘᯘᯮᯑᯩ ᯀᯘ ᯘᯉ᯲ᯑᯄ᯦ᯬ᯲ ᯔᯒ᯲ᯘᯝᯇ᯲ ᯇᯬᯑ ᯉᯪ ᯑᯩᯅᯖ ᯘᯪᯇᯞᯮᯀ ᯂᯪᯖ ᯑᯪᯅᯂᯉᯩ᯲

2:11 Ai nunga tarida asi ni roha ni Debata, sibahen haluaon ni saluhut jolma. ᯀᯤ ᯉᯮᯝ ᯖᯒᯪᯑ ᯀᯘᯪ ᯉᯪ ᯒᯬᯂ ᯉᯪ ᯑᯩᯅᯖ ᯘᯪᯅᯂᯉᯩ᯲ ᯂᯞᯮᯀᯀᯉᯬ᯲ ᯉᯪ ᯘᯞᯮᯂᯖᯮ᯲ ᯐᯞᯬ᯲ᯔ

2:12 Diajari do hita, asa tasoadahon roha na so daulat ro di angka hisaphisap tano on, asa taparangehon hatomanon, hatigoran dohot hadaulaton, tagan di hasiangan on. ᯑᯪᯀᯐᯒᯪ ᯑᯬ ᯂᯪᯖ ᯀᯘ ᯖᯘᯬᯀᯑᯂᯉᯬ᯲ ᯒᯬᯂ ᯉ ᯘᯬ ᯑᯥᯞᯖ᯲ ᯒᯬ ᯑᯪ ᯀᯰᯄ᯦ ᯂᯪᯘᯇ᯲ᯂᯪᯘᯇ᯲ ᯖᯉᯬ ᯀᯉᯬ᯲ ᯀᯘ ᯖᯇᯒᯝᯩᯂᯉᯬ᯲ ᯂᯖᯬᯔᯉᯉᯬ᯲ ᯂᯖᯪᯎᯬᯒᯉ᯲ ᯑᯬᯂᯖᯬ᯲ ᯂᯑᯥᯞᯖᯉᯬ᯲ ᯖᯎᯉ᯲ ᯑᯪ ᯂᯘᯪᯀᯝᯉ᯲ ᯀᯉᯬ᯲

2:13 Laos diajari do hita, paipaimahon hatuaon na tahirim i dohot hapapatar ni hasangapon ni Debata na balga i dohot Kristus Jesus, Sipalua i. ᯞᯀᯘᯬ᯲ ᯑᯪᯀᯐᯒᯪ ᯑᯬ ᯂᯪᯖ ᯇᯤᯔᯤᯔᯂᯉᯬ᯲ ᯂᯖᯮᯀᯀᯉᯬ᯲ ᯉ ᯖᯂᯪᯒᯔᯪ᯲ ᯤ ᯑᯬᯂᯖᯬ᯲ ᯂᯇᯇᯖᯒ᯲ ᯉᯪ ᯂᯘᯝᯇᯉᯬ᯲ ᯉᯪ ᯑᯩᯅᯖ ᯉ ᯅᯞ᯲ᯎ ᯤ ᯑᯬᯂᯖᯬ᯲ ᯄ᯦᯲ᯒᯘᯪ᯲ᯖᯘᯮ᯲ ᯐᯩᯘᯘᯮ᯲ ᯘᯪᯇᯞᯮᯀ ᯤ

2:14 Ai dilehon do dirina humongkop hita, asa ditobus hita sian nasa hajahaton, asa urasonna di dirina bangso, naung Ibana nampunasa, na olo mangkapadothon angka ulaon na denggan. ᯀᯤ ᯑᯪᯞᯩᯂᯉᯬ᯲ ᯑᯬ ᯑᯪᯒᯪᯉ ᯂᯮᯔᯰᯬᯄ᯦ᯇᯬ᯲ ᯂᯪᯖ ᯀᯘ ᯑᯪᯖᯬᯅᯘᯮ᯲ ᯂᯪᯖ ᯘᯪᯀᯉ᯲ ᯉᯘ ᯂᯐᯂᯖᯉᯬ᯲ ᯀᯘ ᯥᯒᯘᯉᯬ᯲ᯉ ᯑᯪ ᯑᯪᯒᯪᯉ ᯅᯰᯘᯬ ᯉᯀᯮᯰ ᯤᯅᯉ ᯉᯔ᯲ᯇᯮᯉᯘ ᯉ ᯀᯬᯞᯬ ᯔᯰᯄᯇᯑᯖᯬ᯲ᯂᯉᯬ᯲ ᯀᯰᯄ᯦ ᯥᯞᯀᯉᯬ᯲ ᯉ ᯑᯰᯩᯎᯉ᯲

2:15 I ma hatahon, paingothon jala ajarhon sian nasa gomos ni roham! Unang ma adong na marhu ni roha mida ho! ᯤ ᯔ ᯂᯖᯂᯉᯬ᯲ ᯇᯤᯝᯖᯬ᯲ᯂᯉᯬ᯲ ᯐᯞ ᯀᯐᯒ᯲ᯂᯉᯬ᯲ ᯘᯪᯀᯉ᯲ ᯉᯘ ᯎᯬᯔᯘᯬ᯲ ᯉᯪ ᯒᯬᯂᯔ᯲ ᯥᯉᯰ ᯲ ᯀᯑᯰᯬ ᯉ ᯔᯒ᯲ᯂᯮ ᯉᯪ ᯒᯬᯂ ᯔᯪᯑ ᯂᯬ

3:1 Paingot ma nasida, asa marroha na unduk mangoloi panggomgomi na mangarajai, huhut ringgas tu nasa ulaon na denggan. ᯇᯤᯝᯖᯬ᯲ ᯔ ᯉᯘᯪᯑ ᯀᯘ ᯔᯒ᯲ᯒᯬᯂ ᯉ ᯀᯉᯮ᯲ᯑᯄ᯦ᯮ᯲ ᯔᯝᯬᯞᯬᯤ ᯇᯰᯎᯔᯬ᯲ᯎᯬᯔᯪ ᯉ ᯔᯝᯒᯐᯤ ᯂᯮᯂᯖᯮ᯲ ᯒᯰᯪᯎᯘ᯲ ᯖᯮ ᯉᯘ ᯥᯞᯀᯉᯬ᯲ ᯉ ᯑᯰᯩᯎᯉ᯲

3:2 Unang ma siinsahi dongan, manang na tongkar; naeng ma parroha na lambok, parroha panganju di saluhut halak.ᯥᯉᯰ ᯔ ᯘᯪᯀᯉᯪ᯲ᯘᯂᯪ ᯑᯬᯝᯉ᯲ ᯔᯉᯰ ᯉ ᯖᯰᯬᯄ᯦ᯒ᯲ ᯉᯀᯰᯩ ᯔ ᯇᯒ᯲ᯒᯬᯂ ᯉ ᯞᯔ᯲ᯅᯄ᯦ᯬ᯲ ᯇᯒ᯲ᯒᯬᯂ ᯇᯝᯉ᯲ᯐᯮ ᯑᯪ ᯘᯞᯮᯂᯖᯮ᯲ ᯂᯞᯄ᯦᯲

3:3 Ai dohot do hita najolo angka na 'oto, na tois, na lilu, pinarhatoban ni ragam ni hisaphisap dohot sangkapsangkap, taulahon do hajahaton dohot latelate; angka hagigian do hita jala masihosoman. ᯀᯤ ᯑᯬᯂᯖᯬ᯲ ᯑᯬ ᯂᯪᯖ ᯉᯐᯬᯞᯬ ᯀᯰᯄ᯦ ᯉ ᯀᯬᯖᯬ ᯉ ᯖᯬᯀᯘᯪ᯲ ᯉ ᯞᯪᯞᯮ ᯇᯪᯉᯒ᯲ᯂᯖᯬᯅᯉ᯲ ᯉᯪ ᯒᯎᯔ᯲ ᯉᯪ ᯂᯪᯘᯇ᯲ᯂᯪᯘᯇ᯲ ᯑᯬᯂᯖᯬ᯲ ᯘᯰᯄ᯦ᯇ᯲ᯘᯰᯄ᯦ᯇ᯲ ᯖᯥᯞᯂᯉᯬ᯲ ᯑᯬ ᯂᯐᯂᯖᯉᯬ᯲ ᯑᯬᯂᯖᯬ᯲ ᯞᯖᯩᯞᯖᯩ ᯀᯰᯄ᯦ ᯂᯎᯪᯎᯪᯀᯉ᯲ ᯑᯬ ᯂᯪᯖ ᯐᯞ ᯔᯘᯪᯂᯬᯘᯬᯔᯉ᯲

3:4 Alai disi ma tarida habasaon dohot habasaron ni Debata, Sipalua hita: ᯀᯞᯤ ᯑᯪᯘᯪ ᯔ ᯖᯒᯪᯑ ᯂᯅᯘᯀᯉᯬ᯲ ᯑᯬᯂᯖᯬ᯲ ᯂᯅᯘᯒᯉᯬ᯲ ᯉᯪ ᯑᯩᯅᯖ ᯘᯪᯇᯞᯮᯀ ᯂᯪᯖ

3:5 Ndada ala ni ulaonta hatigoran, umbahen na dipalua Ibana hita; tung sian asi ni rohana do, marhitehite pandidion pangulahion tubu dohot marhitehite Tondi Parbadia na paimbaruhon i, ᯉ᯲ᯑᯑ ᯀᯞ ᯉᯪ ᯥᯞᯀᯉᯬ᯲ᯖ ᯂᯖᯪᯎᯬᯒᯉ᯲ ᯀᯔᯮ᯲ᯅᯂᯉᯩ᯲ ᯉ ᯑᯪᯇᯞᯮᯀ ᯤᯅᯉ ᯂᯪᯖ ᯖᯮᯰ ᯘᯪᯀᯉ᯲ ᯀᯘᯪ ᯉᯪ ᯒᯬᯂᯉ ᯑᯬ ᯔᯒ᯲ᯂᯪᯖᯩᯂᯪᯖᯩ ᯇᯉ᯲ᯑᯪᯑᯪᯀᯉᯬ᯲ ᯇᯝᯮᯞᯂᯪᯀᯉᯬ᯲ ᯖᯮᯅᯮ ᯑᯬᯂᯖᯬ᯲ ᯔᯒ᯲ᯂᯪᯖᯩᯂᯪᯖᯩ ᯖᯉᯬ᯲ᯑᯪ ᯇᯒ᯲ᯅᯑᯪᯀ ᯉ ᯇᯀᯔᯪ᯲ᯅᯒᯮᯂᯉᯬ᯲ ᯤ

3:6 naung niusehonna i tu hita buas marhitehite Jesus Kristus, Sipalua hita, ᯉᯀᯮᯰ ᯉᯪᯥᯘᯩᯂᯉᯬ᯲ᯉ ᯤ ᯖᯮ ᯂᯪᯖ ᯅᯮᯀᯘ᯲ ᯔᯒ᯲ᯂᯪᯖᯩᯂᯪᯖᯩ ᯐᯩᯘᯘᯮ᯲ ᯄ᯦᯲ᯒᯘᯪ᯲ᯖᯘᯮ᯲ ᯘᯪᯇᯞᯮᯀ ᯂᯪᯖ

3:7 asa gabe tigor hita, binahen ni asi ni rohana, jala sitean hangoluan salelenglelengna, mangihuthon pangkirimon i. ᯀᯘ ᯎᯅᯩ ᯖᯪᯎᯒᯬ᯲ ᯂᯪᯖ ᯅᯪᯉᯂᯉᯩ᯲ ᯉᯪ ᯀᯘᯪ ᯉᯪ ᯒᯪᯂᯉ ᯐᯞ ᯘᯪᯖᯩᯀᯉ᯲ ᯂᯝᯬᯞᯮᯀᯉ᯲ ᯘᯞᯩᯞᯰᯩᯞᯩᯞᯰᯩᯉ ᯔᯝᯪᯂᯖᯮ᯲ᯂᯉᯬ᯲ ᯇᯰᯄ᯦ᯪᯒᯪᯔᯉᯬ᯲ ᯤ

3:8 Haposan do hata i, jala naeng ma gomos hatindangkononmu i dipangido rohangku, asa nasida, naung gabe porsea di Debata, mangkapadothon angka ulaon na denggan. I ma na uli jala hasea di jolma. ᯂᯇᯬᯘᯉ᯲ ᯑᯬ ᯂᯖ ᯤ ᯐᯞ ᯉᯀᯰᯩ ᯔ ᯎᯬᯔᯘᯬ᯲ ᯂᯖᯉᯪ᯲ᯑᯰᯄ᯦ᯬᯉᯉᯬ᯲ᯔᯮ ᯤ ᯑᯪᯇᯝᯪᯑᯬ ᯒᯬᯂᯰᯄ᯦ᯮ ᯀᯘ ᯉᯘᯪᯑ ᯉᯀᯮᯰ ᯎᯅᯩ ᯇᯒᯬ᯲ᯘᯩᯀ ᯑᯪ ᯑᯩᯅᯖ ᯔᯰᯄ᯦ᯇᯑᯖᯬ᯲ᯂᯉᯬ᯲ ᯀᯰᯄ᯦ ᯥᯞᯀᯉᯬ᯲ ᯉ ᯑᯰᯩᯎᯉ᯲ ᯤ ᯔ ᯉ ᯥᯞᯪ ᯐᯞ ᯂᯘᯩᯀ ᯑᯪ ᯐᯞᯬ᯲ᯔ

3:9 Alai pasiding ma angka sualsual haotoon i dohot hata sundutsundut ro di parsalisian dohot parbadaon siala Patik i, ai ndang marniula i jala magopo. ᯀᯞᯤ ᯇᯘᯪᯑᯰᯪ ᯔ ᯀᯰᯄ᯦ ᯘᯮᯀᯞ᯲ᯘᯮᯀᯞ᯲ ᯂᯀᯬᯖᯬᯀᯉᯬ᯲ ᯤ ᯑᯬᯂᯖᯬ᯲ ᯂᯖ ᯘᯉᯮ᯲ᯑᯖᯮ᯲ᯘᯉᯮ᯲ᯑᯖᯮ᯲ ᯒᯬ ᯑᯪ ᯇᯒ᯲ᯘᯞᯪᯘᯪᯀᯉ᯲ ᯑᯬᯂᯖᯬ᯲ ᯇᯒ᯲ᯅᯑᯀᯉᯬ᯲ ᯘᯪᯀᯞ ᯇᯖᯄ᯦ᯪ᯲ ᯤ ᯀᯤ ᯉ᯲ᯑᯰ ᯔᯒ᯲ᯉᯪᯥᯞ ᯤ ᯐᯞ ᯔᯎᯬᯇᯬ

3:10 Pasiding ma halak parpoda haliluon, dung jolo dipaingot ho ibana sahali manang dua hali; ᯇᯘᯪᯑᯰᯪ ᯔ ᯂᯞᯄ᯦᯲ ᯇᯒ᯲ᯇᯬᯑ ᯂᯞᯪᯞᯮᯀᯉᯬ᯲ ᯑᯮᯰ ᯐᯬᯞᯬ ᯑᯪᯇᯤᯝᯖᯬ᯲ ᯂᯬ ᯤᯅᯉ ᯘᯂᯞᯪ ᯔᯉᯰ ᯑᯮᯀ ᯂᯞᯪ

3:11 ai diboto ho do, naung marbalik situtu sisongon i jala diulahon dosa, atik pe naung ditorui rohana ibana. ᯀᯤ ᯑᯪᯅᯬᯖᯬ ᯂᯬ ᯑᯬ ᯉᯀᯮᯰ ᯔᯒ᯲ᯅᯞᯂ᯦ᯪ᯲ ᯘᯪᯖᯮᯖᯮ ᯘᯪᯘᯬᯝᯉᯬ᯲ ᯤ ᯐᯞ ᯑᯪᯥᯞᯂᯉᯬ᯲ ᯑᯬᯘ ᯀᯖᯄᯪ᯲ ᯇᯩ ᯉᯀᯮᯰ ᯑᯪᯖᯬᯒᯮᯤ ᯒᯬᯂᯉ ᯤᯅᯉ

3:12 Ia dung husuru si Artemas dohot Tikikus tu ho, pahatop ma ro mandapothon ahu tu Nikopolis, ai disi do ahu naeng mian di taon ngali. ᯤᯀ ᯑᯮᯰ ᯂᯮᯘᯮᯒᯮ ᯘᯪ ᯀᯒ᯲ᯖᯩᯔᯘ᯲ ᯑᯬᯂᯖᯬ᯲ ᯖᯪᯄ᯦ᯪᯄ᯦ᯘᯮ᯲ ᯖᯮ ᯂᯬ ᯇᯂᯖᯇᯬ᯲ ᯔ ᯒᯬ ᯔᯉ᯲ᯑᯇᯖᯬ᯲ᯂᯉᯬ᯲ ᯀᯂᯮ ᯖᯮ ᯉᯪᯄ᯦ᯬᯇᯬᯞᯘᯪ᯲ ᯀᯤ ᯑᯪᯘᯪ ᯑᯬ ᯀᯂᯮ ᯉᯀᯰᯩ ᯔᯪᯀᯉ᯲ ᯑᯪ ᯖᯀᯉᯪ᯲ ᯝᯞᯪ

3:13 Haringkothon ma paborhathon si Jenas, siboto patik i, dohot Apollos; unang hurangan nasida di agia aha! ᯂᯒᯰᯪᯄ᯦ᯖᯬ᯲ᯂᯉᯬ᯲ ᯔ ᯇᯅᯒᯬ᯲ᯂᯖ᯲ᯂᯉᯬ᯲ ᯘᯪ ᯐᯩᯉᯘ᯲ ᯘᯪᯅᯬᯖᯬ ᯇᯖᯄ᯦ᯪ᯲ ᯤ ᯑᯬᯂᯖᯬ᯲ ᯀᯇᯞᯬ᯲ᯞᯘᯬ᯲ ᯥᯉᯰ ᯂᯮᯒᯝᯉ᯲ ᯉᯘᯪᯑ ᯑᯪ ᯀᯎᯪᯀ ᯀᯂ

3:14 Naeng ma diguruhon angka donganta, mangkapadothon angka ulaon na denggan, sumarihon na ringkot pangkeon; unang so marparbue nasida! ᯉᯀᯰᯩ ᯔ ᯑᯪᯎᯮᯒᯮᯂᯉᯬ᯲ ᯀᯰᯄ᯦ ᯑᯬᯝᯉ᯲ᯖ ᯔᯰᯂ᯦ᯇᯑᯖᯬ᯲ᯂᯉᯬ᯲ ᯀᯰᯄ᯦ ᯥᯞᯀᯉᯬ᯲ ᯉ ᯑᯰᯩᯎᯉ᯲ ᯘᯮᯔᯒᯪᯂᯉᯬ᯲ ᯉ ᯒᯰᯪᯄ᯦ᯖᯬ᯲ ᯇᯰᯄᯩᯀᯉᯬ᯲ ᯥᯉᯰ ᯘᯬ ᯔᯒ᯲ᯇᯒ᯲ᯅᯮᯀᯩ ᯉᯘᯪᯑ

3:15 Na manongos tabi tu ho saluhut donganku. Pasahat ma tabinami tu angka na marholong ni roha di hami, di bagasan haporseaon. Didongani asi ni roha i ma hamu saluhutna! ᯉ ᯔᯉᯬᯝᯘᯬ᯲ ᯖᯅᯪ ᯖᯮ ᯂᯬ ᯘᯞᯮᯂᯖᯮ᯲ ᯑᯬᯝᯉ᯲ᯄ᯦ᯮ ᯇᯘᯂᯖ᯲ ᯔ ᯖᯅᯪᯉᯔᯪ ᯖᯮ ᯀᯰᯄ᯦ ᯉ ᯔᯒ᯲ᯂᯬᯞᯰᯬ ᯉᯪ ᯒᯬᯂ ᯑᯪ ᯂᯔᯪ ᯑᯪᯅᯎᯘᯉ᯲ ᯂᯇᯒᯬ᯲ᯘᯩᯁᯉᯬ᯲ ᯑᯪᯑᯬᯝᯉᯪ ᯀᯘᯪ ᯉᯪ ᯒᯬᯂ ᯤ ᯔ ᯂᯔᯮ ᯘᯞᯮᯂᯖᯮ᯲ᯉ