Ohabiga

A Ohabiga oda Ohabiger is a Buasch oda Mo, wo za de Weibaleit bsundas zuadringle is.

Moast is s a Oaschichtiga, d. h. a Single, wo seine Bratzn ned vo seina Obetadn lossa ko, obwoi de gor nix vo eam wissn wui. Dauand wui a si an se oloana und oglanga^[1].

Dees Wort kimmt vo "ohabisch" ('anhabig'), aa "ohabarisch", wo nochm Zehetner afdringle moant^[2] bzw. "ohabi" ('anhabig'), wo nochm Schmeller aa si gean ohenga und ned wieda ozbringa hoasst^[3].

1. ↑ Martin Bolle, Markus Keller, Ono Mothwurf: ZEFIX! - Süddeutscher Verlag, Minga 2012
2. ↑ Ludwig Zehetner: Bairisches Deutsch, Heinrich Hugendubel Verlag/edition vulpes, Kreuzlingen/München/Regensburg, 2005, ISBN 3980702871
3. ↑ Johann Andreas Schmeller,Georg Carl Frommann,Otto Maußer: Bayerisches Wörterbuch, Band 2