Liachtnstoa

Der Artikl is im Dialekt Pongaurisch gschriem worn.

Fiaschtndum Liachtnstoa
Fürstentum Liechtenstein

Omtssprouch

Deitsch

Hauptstoud

Vaduz (Haptort)

Stoutsform

konstituzioneje Erbmonarchie

Stoutsowerhaupt

Fiascht Hans-Adam II.
Omtsausiwender Stejvatreta:
Erbprinz Alois

Regiarungsschef

Daniel Risch
(VU)

Flächen

160,477^[1] km²

Eiwonerzoi

38'111 (31. Dezemba 2017)^[2]

Bevejkarungsdichten

237 Aiwoner pro km²

BIP

6'053 Mio. CHF (2015)^[3]

Gejt

Schweiza Frankn

Nazionaalhymne

Oben am jungen Rhein

Nazionaalfeieaschtoug

15. August

Zeidzone

UTC+1 MEZ
UTC+2 MESZ (Meaz bis Oktoba)

Kfz-Kennzeichen

FL

Internet-TLD

.li

Telefonvurwoi

+423

As Fiaschtndum Liachtnstoa (dt.: Fürstentum Liechtenstein) is a suvaräna Stoot im middleiropäischn Oipnraum. As Lond liegd zwischn Östareich und da Schweiz om Ostufa van Rhein. As Fiaschtndum guid heit ois konstituzioneje Erbmonarchie af demokratisch-parlamentarischa Grundloug. De Suvaränitet liegd sowoi bam Voik ois wia aa bam Fiascht. Liachtnstoa gliadeascht se in ejf Gmoana. Haptort und Fiaschtsiez is Vaduz. Liachtnstoa houds häxde BIP pro Kopf wejdweid - s liegd ba 6'053 Mio. CHF (2015).

Geografie

Liachtnstoa is umgem vo d' Schweiza Kantone: St. Gallen und em Kanton Graubünden im Westn sowia'm esterraichischm Bundesland Vorarlberg im Ostn. Zamm mid Usbekistan is's oana vo de zwee Binnenstootn vo da Wejd, de sejm nua vo Binnenstootn umgem sand. De gsomde westliche Stootsgrenz za da Schwaiz entsprichd 'm Rhein-Valaff. D' estliche Stootsgrenz is prägd van [[Oipm-Houchgebiag]], 'm Rätikon. As Land grenzd af 41,1 km on d' Schwaiz. 27,1 km vo da Grenzläng entfoin af'm Kanton St. Gallen und 14,0 km af'm Kanton Graubünden. D' Grenzläng mid da Republik Esterraich betroug 34,9 km und entfoid vejig af's Bundesland Vorarlberg. Da häxde Bunkt vo Liachtnstoa is da Grauspitz mid ner Häch vo 2599 m. Da diafste Bunkt is as Ruggellea Riet mid ner Häch vo 430 m. As Land misst on seina längsdn Stej 24,56 km und on seina broadasdn 12,36 km.

Klima

As Klima van Land ko trotz da Gebiagsloug ois relatiav mijd bezaichnascht wean. Es weascht storch duach d' Aiwirkung van Fähn (worma, trockana Foiwind) prägd, woduach d' Vegetazionszeid im Lassing und im Herest valängascht weascht. D' Messungan vo d' joulichn Niadaschlougsmengan dagem im Schnitt guade 900 bis 1200 Millimeta af oan Quadratmeta. Im direktn Oipmgebiet dageng lingan de Niadaschläg oft ba bis za 1900 Millimeta. Im Winta sinkt's Thermometa sejtn unta minus 15 Grod, wärnd im Summa de middlan Temperatuan zwischn 20 und 28 Grod schwonknd.

Bevejkarung

Etwoa zwoa Driddl vo d' Eihwohna sand gebirtige Liachtnstoana (65,8%); de ausländische Wohnbevejkarung kimmb dageng za etwoa oan Fimbftl (20,1%) haptsächli aus'm iwring deitschn Sprouchraum (doudavo 10,8% aus da Schwaiz, 5,9% aus Esterraich und 3,4% aus da Bundesrepublik Deitschland, gfoigd vo je 3,3% aus Italien und Leit van friahran Jugoslawien, 2,6% sand Tiakn und 4,8% kemman aus onnerne Stoutn).

Vawoitung

Liachtnstoa gliadeascht se in ejf Gmoana, de af de boadn Woihkroas Untaland und Owaland vatoaet sand.

Flaggn	PLZ und Gmoana	Eihwohna (31. Dezemba 2017)	Fläch in km²h	Orte
Woihkroas Untaland
	9491 Ruggell	2108	7,4	Ruggell
	9488 Schellenberg	1050	3,5	Schellenberg
	9487 Gampirn	1635	6,1	Gamprin Bendern
	9492 Eschen	4341	10,3	Eschen Nendeln
	9493 Mauren	4124	7,5	Mauren Schaanwald
Woihkroas Owaland
	9494 Schaan	5964	26,8	Schaan
	9498 Planken	421	5,3	Planken
	9490 Vaduz	5391	17,3	Vaduz
	9497 Triesenberg	2620	29,8	Triesenberg, Masescha, Silum Gaflei, Steg, Malbun
	9495 Triesen	4966	26,4	Triesen
	9496 Balzers	4595	19,7	Balzers Mäls
	Liachtnstoa	37132	160,4