ISO 639

ISO 639 is a internazionala Standard vo da Internazionaln Organisation fia Normung, wo Kennunga fia Nama vo Sprochn (Sprochcode) definiat wean. Dea Standard aetzt se aus mehran Teinorman zamma. Via Tei fia Kennunga mit zwoa Buchstabm (ISO 639-1) und drei Buchstabm (ISO 639-2, ISO 639-3 und ISO 639-5) san scho freigebm und wean weitlaifig vawendt; mit ISO 639-4 und 6 san zwoa weidane Tei in Entwicklung (Stand: August 2009).

De Kennunga, de wo in dera Norm definiat san, wean unta andam in da Lexikographie, Linguistik, in Bibliotheken, Informazionsdeanstn und im Datnaustausch v<wendt. Damit käna Sprochn in Dokumentn eindeitig ogebm bzw. kennzeichnet wean. Se san ned ois Obkiazunga eingfiaht worn^[1], wei unta andam a Ähnlichkeit mit da kennzeichnetn Sproch ned in jedm Foi gebm is.

Es deaf grundsätzli Gross- und Kloaschreibung vawendt wean. Es gibt owa drauf afbauende Normen, de wo a gwisse Schreibung festlegn kena.

De Sprochcode vo dera Norm umfossn natialiche Sprochn und Plansprochn, owa koane Sprochn, de wo fia a maschinelle Vaorbatung konzipiat worn san, wia z. B. Programmiasprochn.

1. ↑ Frequently Asked Questions (FAQ) - Codes for the representation of names of languages (Library of Congress). In: ISO 639-2 Registration Authority. Library of Congress, abgerufen am 24. Oktober 2006. 

• Registrierungsstelle von ISO 639-2, Library of Congress (englisch)
• Registrierungsstelle von ISO 639-3, SIL International (englisch)
• Registrierungsstelle von ISO 639-5, Library of Congress (englisch)