Bladdl

Fia andane Bedeitunga schau: Bladdl (Begriffsklearung).

As Bladdl (dt.: Blatt, engl.: leaf) is nem ana Schtengl und da Wuazn a wichtigs Oagan vo de Pflanzna. Laab is a Kollektivbezeichnung vo de Bladdln.

Bladdln san a Seitnauswux vo da Schprossaxn. Photosynthesn und Wossavadunstung (Transpirazion) san de Uafunktiona vo de Bladdln. Ba da Fotosynthese wean mid'n Liacht oaganische Stoffe afbaud.

De Transpirazion brauchd's fia de Noahstoffafnohm und fia'n Noahstofftranspoat.

Ned olle Pflanzna hom Bladdln, as Moos beispuisweis ned.

Im Valaff vo da Evolution hom se an Haffa vaschiedane Bladdlfoama entwickld. Aa Foama, de wo de Haptfunktiona Fotosynthesn und Transpirazion nimma eafuijn, zan Beischpui de Zwiefe oda de Bladdln vo ana Bliah.

• 
  De Bladdln (ois Nodln) vo ana Feichtn
• 
  Bladdln vo ana Tujpn
• 
  A Zwiefe bstähd aus fleisching Bladdln (Metamorphosn van Bladdl)
• 
  Bladdln vo ana Bliah san Metamorphosn van Bladdl mid neia Funkzion
• 
  As Fangkanndl vo ana fleischfressadn Pflanzna is aa aus an Bladdl entstondn

 Commons: Bladdl – Sammlung vo Buidl, Videos und Audiodateien