• [ ˈte.na ]

«tena»

(rexistru)

Anagrama: ante, neta, tean, Etna

femenín singular tena; plural tenes

1. (Ictioloxía) Pexe marín de cuerpu ovaláu y allargáu, que pue algamar los 50 cm de llargor, de color gris con una raya horizontal escura na parte superior del costáu de la cabeza hasta'l rabu, de cabeza y boca pequeñes y güeyos grandes, de nome científicu Spondyliosoma cantharus.
2. (Ictioloxía) Pexe marín de cuerpu ovaláu comprimíu llateralmente, que pue algamar los 50 cm de llargor, de color gris con una decena de llinies horizontales de color mariello dorao, con cabeza y güeyos pequeños, coles aletes pectorales curties, de nome científicu Sarpa salpa.
3. (Ictioloxía), (Alimentación), (Gastronomía) Pexe marín de forma ovalada y cuerpu aplanáu nos costaos, que pue algamar los 45 cm de llargor, de color platiao y con dos bandes gordes verticales escures al llau de la cabeza una y del rabu la otra, de nome científicu Diplodus vulgaris.
4. (Ictioloxía) Pexe marín de cuerpu ovaláu comprimíu llateralmente, que pue algamar los 25 cm de llargor, de color gris platiao, verdoso pel llombu y marelludo pelos costaos, con una mancha negra na base del rabu, de nome científicu Diplodus annularis.

• 
  Una tena Spondyliosoma cantharus.
• 
  Una tenaSarpa salpa.
• 
  Una tena Diplodus vulgaris.
• 
  Un acebuche Diplodus annularis.

Sinónimos[editar]

• [1] cheirón, chopa, lliza, negrita, pocha, soboga, zapateru
• [2] soboga, saboga, zulema, madre de la boga
• [3] xáragu ~ xárabu, chopa, palmera, pica, pocha, reloxín, sargu, xarabetín, xaragüetu, xardu, xargu
• [4] acebuche, feúcha

Consulta na Wikipedia l'artículu tocante a «tena».

• Diccionariu de la Llingua Asturiana; Academia de la Llingua Asturiana, 2000, Uviéu; ISBN: 84-8168-208-X. Versión on-line.
• Diccionario General de la Lengua Asturiana; Xosé Lluis García Arias, Editorial Prensa Asturiana, 2002-2004, Uviéu; ISBN: 84-87730-86-8. Versión on-line.
• Nomenclátor de los seres vivos en llingua asturiana, Sabencia - Sociedá Asturiana de les Ciencies. Consulta on-line.