Fanny Blankers-Koen

Fanny Blankers-Koen
Vida
Nacimientu	Baarn[1], 26 d'abril de 1918[2]
Nacionalidá	Reinu de los Países Baxos
Muerte	Hoofddorp[1], 25 de xineru de 2004[2] (85 años)
Oficiu
Oficiu	velocista, atleta, saltadora de llonxitú, saltadora d'altura
Participante Xuegos Olímpicos de Ḥélsinki 1952 Xuegos Olímpicos de Londres 1948 Xuegos Olímpicos de Berlín 1936
Pesu	63 kg
Altor	175 cm
Premios	ver caballeru de la Orde d'Orange-Nassau Atleta del año por la Prensa Asociada  (1948)

Fanny Blankers-Koen (26 d'abril de 1918, Baarn – 25 de xineru de 2004, Hoofddorp) foi una atleta neerlandesa. Ente les frases más famoses que dixo, esta ye una de la más reconocíes:

"Tou esto, por correr unos pocos metros" (Fanny Blankers-Koen, al recibir una bicicleta por ganar 4 medayes d'oru nos Xuegos Olímpicos de Londres 1948)

En 2012 foi nomada l'atleta más importante y famosa del sieglu XX.

Blankers llamábase de soltera Francina Koen y naciera en Baarn, nel centru de los Países Baxos, el 26 d'abril de 1918. El so primer deporte foi la natación y namái s'inclinó pol atletismu a los 17 años.

Un añu dempués, el so entrenador, Jan Blankers, animóse a entrar nel equipu olímpicu holandés y participó nos Xuegos Olímpicos de Berlín 1936, onde llogró dos quintos puestos, n'altura y 4x100. En 1938 llévase la medaya de bronce nos 100 metros nos Campeonatos d'Europa d'atletismu. Los Xuegos de 1940 y 1944 fueron atayaos por culpa de la II Guerra Mundial. En 1946, poques selmanes dempués de dar a lluz al so primer fíu, ganó l'oru européu nos 80 metros valles.

Nos Xuegos Olímpicos de Londres 1948 en Londres ganó cuatro medayes d'oru: nos 100 y 200 metros, 80 metros valles y col relevu de 4x100 metros.

Mientres la so vida deportiva batió venti récores mundiales en carreres de velocidá y de valles, en saltu d'altor y de llargor y en pentatlón.

• Bijkerk, Ton (May 2004). «Fanny Blankers-Koen: A Biography». Journal of Olympic History 12–2:  páxs. 56–60. 
• (1949) 's-Graveland : Konings Pyramide: Fanny : de geschiedenis van 4 gouden medailles.
• Kooman, Kees (2003). nl: L.J. Veen: Een koningin met mannenbenen. ISBN 90-204-0820-8.

• Wikimedia Commons acueye conteníu multimedia sobre Fanny Blankers-Koen.
• Sitiu de Fanny Blankers-Koen Games
• Biografía curtia d'Olympic Movement