Consonante velar

Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. Pues añadiles tu mesmu o avisar al autor principal del artículu na so páxina d'alderique pegando: {{subst:Avisu referencies|Consonante velar}} ~~~~

Una consonante velar ye un tipu de consonante que'l so puntu d'articulación o pasu más estrechu de la corriente del aire avérase o toca la zona trasera del cielu la boca o velo.

Yá que la rexón velar de la parte cimera de la boca ye relativamente estensa y los movimientos del dorsum nun son bien precisos, les velares fácilmente sufren asimilación fonética, moviendo'l so puntu d'articulación tras o alantre dependiendo del trimbre de les vocales axacentes. Frecuentemente les velares sufren cambeos fonéticos adelantrándose parcial o totalmente covirtiéndose nuna palatalizada o palatal ante vocal anteriores o palatales. Les vocales posteriores tienden dacuando a atrasar les velares.

Munches llingües presenten llabialización na articulación de les velares, tal como asocede na consonante coarticulada [kʷ], na que l'articulación velar ye acompañada por un redondeamiento de los llabios, estes consonantes son labiovelares. Tamién esiste consonantes doblemente articulaes como les consonantes llabial-velares, que presenten una doble articulación como asocede nel soníu [k͡p] frecuente en munches llingües d'África Occidental.

Ente les llingües del mundu'l cambéu fonéticu más frecuente qu'esperimenten les consonantes velares ye la palatalización ante vocal anterior o palatal. Esi cambéu ye por casu l'orixe del fonema /θ/ (/s/ nel español d'América). Sicasí, el fonema /x/ del español ye en gran parte la resultancia d'una despalatalización de los antiguos fonema /š, ž/ [ʃ, ʒ], que de la mesma veníen de palatalizaciones varies de les consonantes llatines /k, g/.

• Wikimedia Commons tien conteníu multimedia tocante a Consonante velar.