Charles Aidman

Charles Aidman
Vida
Nacimientu	Frankfort (es) , 21 de xineru de 1925[1]
Nacionalidá	Estaos Xuníos
Llingua materna	inglés
Muerte	Beverly Hills, 7 de payares de 1993[1] (68 años)
Sepultura	Cementeriu Westwood Village Memorial Park
Causa de la muerte	cáncanu
Estudios
Estudios	Universidá d'Indiana Universidá d'Indiana Bloomington
Llingües falaes	inglés
Oficiu	actor de televisión, actor de teatru, actor de cine, actor
IMDb	nm0014493

Charles Aidman (21 de xineru de 1925, Frankfort ^(es)  – 7 de payares de 1993, Beverly Hills) foi un actor de televisión, actor de teatru, actor de cine y actor d'Estaos Xuníos.

Nacíu en Frankfort, Indiana, Aidman afixo en 1963 la Antoloxía de Spoon River del poeta Edgar Lee Masters, realizando una obra teatral qu'anguaño inda se representa.^[2]

Nel mediu televisivu fixo un gran númberu d'actuaciones, participando como actor invitáu na serie The Fugitive con David Janssen nel capítulu Trial by Fire de 1965, nel papel del capitán Eckhardt, un testigu a favor del Dr. Kimble pero darréu refugáu pol teniente Gerard (Barry Morse) por ser un adictu.

Participó nel episodiu de 1966 "The Lean Years", perteneciente a la serie de la NBC The Road West, o los capítulos "And When the Sky Was Opened" y "Little Girl Lost" del show Dimensión Desconocida.

Aidman foi artista convidáu de la serie The Wild Wild West nun papel recurrente que fizo a lo llargo de diversos episodios de la cuarta temporada, el de Jeremy Pike, compañeru de Jim West, (Robert Conrad)- El motivu d'ellos yera que Ross Martin, qu'interpretaba davezu a Artemus Gordon, compañeru de Jim West, taba recuperándose d'una enfermedá.^[3]

Aidman presentó'l personaxe Tom Willis, suegru de Lionel Jefferson, nun episodiu de la serie All In The Family. Esi mesmu personaxe foi encarnáu na serie The Jeffersons, una spin-off de l'anterior, por Franklin Cover, que-y dio unes carauterístiques bien distintes.

Darréu, Aidman foi unu de los narradores de la reposición efectuada nos años ochenta de la serie Dimensión Desconocida, anque más palantre foi sustituyíu por Robin Ward.

Amás de la so faceta televisiva, Aidman tamién trabayó nel cine en películes como Pork Chop Hill, War Hunt, Kotch, Countdown, Uncommon Valor, y Innerspace, faciendo na postrera d'elles una de les sos interpretaciones finales.

Charles Aidman finó por causa de un cáncer en Beverly Hills, California, en 1993.^[4] Foi soterráu nel Campusantu Westwood Village Memorial Park de Los Angeles, California.

• Esta obra remanez de la traducción de Charles Aidman de Wikipedia - inglés, espublizada polos sos editores baxo la Llicencia de documentación llibre de GNU y la Llicencia Creative Commons Atribución-CompartirIgual 3.0 Unported.

• Charles Aidman na Internet Movie Database (n'inglés)
• Charles Aidman n'AllMovie (n'inglés)