Barbara Jo Allen
Barbara Jo Allen | |
|---|---|
| Vida | |
| Nacimientu | Nueva York, 2 de setiembre de 1906[1] |
| Nacionalidá |
 Estaos Xuníos |
| Llingua materna | inglés |
| Muerte | Santa Barbara, 14 de setiembre de 1974[1] (68 años) |
| Familia | |
| Casada con | Barton Yarborough |
| Estudios | |
| Estudios | Universidá de París |
| Llingües falaes | inglés |
| Oficiu | actriz, actriz de doblaxe, actriz de voz, actriz de cine |
| Premios | |
| IMDb | nm0020289 |
 | |
Barbara Jo Allen (2 de setiembre de 1906, Nueva York – 14 de setiembre de 1974, Santa Barbara) foi una actriz radiofónica, cinematográfica y televisiva d'Estaos Xuníos.
Biografía
[editar | editar la fonte]Nacida en Nueva York, foi conocida pol nome Vera Vague, la solterona qu'ella creó ya interpretó na radio y na pantalla nos años 1940 y 1950, y pa la cual inspiróse nuna persona a la que conoció na realidá, una muyer que taba dando una conferencia sobre lliteratura y que s'espresaba d'una manera confusa. Como Vague, ella popularizó'l latiguillo "You dear boy!"[2][3]
L'habilidá de Allen pa l'actuación yá surdió nes obres teatrales representaes na escuela. Tres la so graduación na high school, foi a París a estudiar en La Sorbona. Concentrada nel estudiu d'idiomes, llegó a falar con fluidez el francés, español, alemán ya italianu. En finando los sos padres, ella camudóse a Los Angeles, onde vivió col so tíu.
En 1937 debutó na radio, encarnando a Beth Holly nel programa de la NBC One Man's Family, actuando darréu en Death Valley Days, I Love a Mystery y otres series radiofóniques. N'apaeciendo'l personaxe de Vera en 1939 nel show NBC Matinee, ella intervieno con regularidá xunto a Bob Hope a partir de 1941.
Allen actuó en siquier 60 películes y series televisives ente 1938 y 1963, de cutiu sol nome artísticu de Vera Vague en llugar del so. El personaxe que creó fíxose tan popular que finalmente adoptó'l so nome como'l so llamatu profesional. Dende 1943 a 1952, como Vera, fixo más d'una docena de curtios cómicos pa Columbia Pictures.
En 1948 nun trabayó cola mesma intensidá como actriz, dedicándose sicasí a montar un comerciu d'orquídees, al empar que foi Alcaldesa Honoraria de Woodland Hills, California. En 1953, como Vera, presentó una serie televisiva propia, Follow the Leader, un show de la CBS nel que participaba'l públicu. En 1958 foi Mabel na versión en redifusión de la sitcom de Jeannie Carson Hey, Jeannie!, emitiéndose namái seis episodios.
Allen tamién foi actriz de voz en películes d'animación, destacando'l so papel de Fauna en La bella durmiente (1959) y de la fregona en The Sword in the Stone (1963).
Allen casóse en primeres nupcies col actor Barton Yarborough, col que tuvo un fíu. En 1946 el matrimoniu actuó nel curtiu cómicu Hiss and Yell, nomáu a un Óscar al meyor curtiu. Dende 1931 a 1932 Allen tuvo casada con Charles H. Crosby, y en 1943 casóse col productor de Bob Hope, Norman Morrell. Tuvieron un fíu, y tuvieron casaos hasta la muerte d'ella, asocedida en 1974 en Santa Bárbara, California. Los sos restos fueron encenraos, y les cenices apurríes a los sos allegaos.
Filmografía
[editar | editar la fonte]Llargumetraxes:
|
|
Curtios:
|
|
Referencies
[editar | editar la fonte]- ↑ 1,0 1,1 Afirmao en: SNAC. Identificador SNAC Ark: w67f71gt. Apaez como: Barbara Jo Allen. Data de consulta: 9 ochobre 2017. Llingua de la obra o nome: inglés.
- ↑ Shreve Jr., Ivan G. Thrilling Days of Yesteryear, 3 de febreru de 2008.
- ↑ IMDb: Barbara Jo Allen
Enllaces esternos
[editar | editar la fonte]- Barbara Jo Allen en Find a Grave http://www.findagrave.com/cgi-bin/fg.cgi?page=gr&GRid=60226601
- Barbara Jo Allen na Internet Movie Database (n'inglés)
