Saltar al conteníu

BTS (grupu musical)

De Wikipedia
BTS (grupu musical)
Datos
Tipu grupu musical
Miembros V (es) Traducir, J-Hope (es) Traducir, Jin (es) Traducir, Jeon Jung-kook (es) Traducir, Suga (es) Traducir, RM y Jimin
Xéneru K-pop, dance pop (es) Traducir y Hip hop coreano (es) Traducir
Sellu discográficu Pony Canyon
Def Jam Japan (es) Traducir
Columbia Records
Def Jam Recordings
Big Hit Music (es) Traducir
País Corea del Sur[1]
Orixinarios de Seúl
Llingua coreanu, xaponés y inglés
Fecha fundación 13 xunu 2013
Web oficial
Cambiar los datos en Wikidata

BTS (hangul: 방탄소년단, romanización revisada: Bangtan Sonyeondan)?, ye un grupu de K-pop surcoreanu formáu por Big Hit Entertainment. Ta compuestu por siete integrantes: Jin, Suga, J-Hope, RM, Jimin, V y Jungkook. Debutaren el 13 de xunu de 2013 col cantar «No More Dream» incluyíu nel so primer senciellu 2 Cool 4 Skool. El so estrenu en Xapón fore cola versión en xaponés de «No More Dream» el 4 de xunu de 2014. El nome'l club de fans oficial ye A.R.M.Y, acrónimu de «Adorable Representative MC for Youth».

Fasta'l 2018, el grupu publicó trés álbumes d'estudiu, cinco EPs, ventidós senciellos ya dos álbumes recopilatorios en Corea del Sur. Amás, publicaron trés álbumes d'estudiu, ocho senciellos y dos álbumes recopilatorios en Xapón. El so segundu álbum, Wings, batiere'l récor del álbum surcoreanu meyor asitiáu en Billboard 200, entriando nel númberu 26, ya cola so reedición, You Never Walk Alone, tornárense nos artistes coreanos con más entraes na llista con cuatro álbumes.[2][3] Ostenten tamién el récor de mayor númberu de selmanes nel númberu ún del Billboard World Albums ya de mayor númberu de selmanes na llista. Con Wings foren tamién nos primeros artistes surcoreanos n'entrar na llista d'álbumes de Reinu Xuníu, Official Charts Company, nel númberu 62, ya nos únicos n'entrar nel Billboard Canadian Albums dos vegaes, cola meyor posición nel puestu 19.[4] En Xapón llegaron al númberu ún de la llista Oricon nes categoríes de senciellu y álbum, convirtiéndose nos primeros artistes hip-hop estranxeros en consiguilo.[5] Amás, col senciellu «Blood Sweat & Tears (Japanese Version)» batieron el récor del artista estranxeru que más rápidu algamó vender 200 000 copies d'un discu dende'l so debú.[6] El so quintu EP, Love Yourself: Her, debutare nel séptimu puestu de la llista Billboard 200, siendo la mayor posición llograda por un artista asiáticu na hestoria.[7]

BTS recibió cinco premios al meyor artista nuevu en Corea del Sur, incluyíu'l premiu "New Artist of the Year" de los Melon Music Awards de 2013, amás de dos premios a meyor artista nuevu en Xapón y unu en China.[8][9][10] En 2016 recibieron el premiu daesang al Artista del añu" nos Mnet Asian Music Awards y el premiu al "Meyor álbum del añu" nos Melon Music Awards por The Most Beautiful Moment in Life: Young Forever.[11] La so popularidá internacional y la so presencia en redes sociales llevare-yos a ser en 2017 el primer grupu k-pop en ser nomaos y recibir un premiu Billboard Music Award, en concretu na categoría "Top Social Artist" .[12] En 2015 recibieren tamién un MTV Europe Music Award como meyor artista coreanu y una nominación como meyor artista asiáticu.[13]

Llevaron a cabu cinco xires como artistes en solitariu: dos xires mundiales, dos n'Asia y una en Xapón, atrayendo a más de 600 000 espectadores y actuando n'Asia, Oceanía, América del Norte y Suramérica. Tamién participaron en festivales internacionales como Summer Sonic en 2015 y nes ediciones del KCON de Los ÁngelesAbu Dhabi, París, Nueva York n'en 2014; Los Angeles en 2016; Méxicu en 2017.[14][15]

Referencies

[editar | editar la fonte]
  1. ↑ URL de la referencia: https://kpopsingers.com/bts-members-group-profile/.
  2. ↑ Benjamin, Jeff (17 d'ochobre de 2016). «BTS' 'Wings' Sets New U.S. Record for Highest-Charting, Best-Selling K-Pop Album» (inglés). Billboard. Consultáu'l 18 d'ochobre de 2016.
  3. ↑ Benjamin, Jeff (21 de febreru de 2017). «BTS Crack the Bubbling Under Hot 100 With 'Spring Day,' Conquer Multiple Charts With 'You Never Walk Alone'» (inglés). Billboard. Consultáu'l 22 de mayu de 2017.
  4. ↑ Copsey, Rob (18 d'ochobre de 2016). «BTS make history as they become the fisrt Korean band to enter the Official Albums Chart with Wings» (inglés). Official Charts Company. Consultáu'l 19 d'ochobre de 2016.
  5. ↑ «BTS Sets New Record On Oricon Chart» (inglés). Soompi (12 de setiembre de 2016). Archiváu dende l'orixinal, el 2016-10-08. Consultáu'l 19 d'ochobre de 2016.
  6. ↑ «BTS Thanks Fans For Their New Record On Oricon’s Weekly Chart With “Blood, Sweat & Tears”» (inglés) (15 de mayu de 2017). Archiváu dende l'orixinal, el 2017-08-27. Consultáu'l 22 de mayu de 2017.
  7. ↑ «BTS Score Top 10 Debut on Billboard 200 With 'Love Yourself: Her' Album» (inglés). Billboard (24 de setiembre de 2017). Consultáu'l 24 d'abril de 2018.
  8. ↑ «Historial de premios de Melon Music Awards» (coreanu). Consultáu'l 19 de xunu de 2016.
  9. ↑ «The Japan Gold Disc Award 2015» (xaponés). Consultáu'l 19 de xunu de 2016.
  10. ↑ «Super Junior-EXO-BTS Sweeps Awards at China 'YINYUE V-Chart Awards'» (inglés) (16 d'abril de 2014). Consultáu'l 4 de xunu de 2016.
  11. ↑ «All The Winners Of The 2016 Mnet Asian Music Awards (2016 MAMA)» (inglés) (2 de dicicembre de 2016). Archiváu dende l'orixinal, el 2016-12-14. Consultáu'l 2 d'avientu de 2016.
  12. ↑ Taylor, Tiffany (21 de mayu de 2017). «BTS Wins Top Social Artist at 2017 Billboard Music Awards» (inglés). Archiváu dende l'orixinal, el 2017-09-05. Consultáu'l 19 de xunu de 2016.
  13. ↑ «Perfil de BTS en la páxina de los EMA» (inglés). Archiváu dende l'orixinal, el 21 de xunu de 2016. Consultáu'l 19 de xunu de 2016.
  14. ↑ Sobre las actuaciones en Summer Sonic:
  15. ↑ Sobre las actuaciones en KCON:
Sacáu de «https://ast.wikipedia.org/w/index.php?title=BTS_(grupu_musical)&oldid=4239634»