Anax imperator
Anax imperator  | ||
|---|---|---|
 | ||
| Estáu de caltenimientu | ||
 Esmolición menor (IUCN 3.1)[1] | ||
| Clasificación científica | ||
| Reinu: | Animalia | |
| Filu: | Arthropoda | |
| Subfilu: | Hexapoda | |
| Clas: | Insecta | |
| Orde: | Odonata | |
| Infraorde: | Anisoptera | |
| Familia: | Aeshnidae | |
| Xéneru: | Anax | |
| Especie: |
A. imperator Leach, 1815 | |
| Consultes | ||
| [editar datos en Wikidata] | ||
La libélula emperador (Anax imperator) ye una especie de odonato anisóptero de la familia Aeshnidae. Puede algamar los 8 cm de llargor y un valumbu de 12 cm, habita en güelgues.[2][3]
La Anax imperator ye la más grande d'Europa Occidental, namái ye superada en tamañu por especies tropicales que pueden llegar a midir más de 20 cm de llargu. Les sos ales nun pueden replegase, tienen una estructura ríxida y n'ángulu rectu en rellación al cuerpu. El so cuerpu ye finu, allargáu y de colores vistosos como verde y mariellu.
Alimentación
[editar | editar la fonte]Aliméntase de too tipu d'inseutos, especialmente aquellos de gran tamañu como los tabanes.
Hábitat
[editar | editar la fonte]Atópase nel centru y sur d'Europa, y el norte d'África, sicasí les sos migraciones tomen tol planeta.
Fisonomía
[editar | editar la fonte]Amuesa les traces necesaries pa convertila nuna gran cazadora. Los sos quexales estensibles son capaces de taramiar grandes inseutos y los sos güeyos contienen hasta 30.000 unidaes oculares, lo que-y dexa tener una visión panorámica de 360 graos con tal agudez, que puede detectar el más mínimu movimientu a una distancia d'hasta cinco metros y mediu.
Son altamente especializaes nel arte de volar, llogrando atrapar y hasta taramiar a les sos preses en plenu vuelu. Pueden movese palantre y escontra tres en llinia recta, xubir o baxar en direición vertical, xirar sobre'l so cuerpu, detenese, llexar y algamar en pocos segundos una velocidá de 200 quilómetros per hora.
Reproducción
[editar | editar la fonte]Utilizando los sos apéndices añales los machos suxeten a les femes pol pescuezu mientres la cópula. La fema introduz el so abdome na agua pa depositar los sos güevos nos tarmos somorguiaos de les plantes acuátiques. Dempués de la xestación, que puede durar hasta dos años, nacen les pequeñes libélulas o ninfes. Éstes nun miden más qu'unos pocos milímetros y namái pueden nadar, pero tienen una gran voracidad y encloyen pequeños animales acuáticos.
Referencies
[editar | editar la fonte]- ↑ Mitra, A. (2009). «Anax imperator» (inglés). Llista Roxa d'especies amenazaes de la UICN 2010.4. Consultáu'l 19 de payares de 2010.
- ↑ (n'inglés) https://www.iucnredlist.org/details/59812/0 Anax imperator IUCN
- ↑ (castellán) https://www.inaturalist.org/places/principado-de-asturias#taxon=47120 Anax imperator
 |
Wikispecies tien un artículu sobre Anax imperator. |
| Control d'autoridaes |
|
|---|
Datos: Q527496
Multimedia: Anax imperator
Especies: Anax imperator
Bibliografía
[editar | editar la fonte]- Schorr, M. and Paulson, D. 2015. World Odonata List. Archiváu 2015-06-29 en Wayback Machine Tacoma, Washington, USA . Consultáu'l 27 d'abril de 2016.