Medinaceli

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Medinaceli
Municipio de Castiella y Leyón
Plaza Mayor de Medinaceli.
Entidat  • Estau  • Comunidat  • Provincia  • Comarca	Municipio  Espanya  Castiella y Leyón Soria Tierra de Medinaceli
Superficie	205,37 km²
Población  • Total	679 hab. (2013)
Altaria  • Meyana	1.092 m.
Distancia  • 75 km	enta Soria
Alcalde	Felipe Utrilla Dupré
Codigo postal	42240
Coordenadas	41° 10’19’’N 2°26’ 7’’U
Medinaceli Medinaceli en Castiella y Leyón
Web oficial

Medinaceli ye un municipio castellanoleyonés, situato en a comarca de Tierra de Medinaceli (en ye a suya capital) y provincia de Soria.

A suya población ye de 804 habitants (2009), en una superficie de 205,37 km² y una densidat de población de 3,91 hab/km².

O suyo nombre viene de l'arabe madīnat salīm que significa "a ciudat de Salim", o fonema sibilant d'a Sīn arabe se prenuncia dental como a s de "pastura", "estallo" y s'adaptó en iberorromance ta una africata alveolar c, ç, en cuenta de como una s sibilant apical, por ixo hue se prenuncia /Medinazeli/ interdental en castellano y aragonés.

Medinaceli ye situato a 1.092 metros d'altaria sobre o livel d'a mar, a una distancia de 75 km de Soria, a capital d'a suya provincia.

D'o suyo termin municipal fan parte os lugars d'Arbujuelo, Azcamellas, Beltejar, Benamira, Blocona, Esteras de Medinaceli, Fuencaliente de Medinaceli, Lodares, Medinaceli, Salinas de Medinaceli y Torralba del Moral.

O suyo termin municipal muga con Miño de Medinaceli, Yelo, Alcubilla de las Peñas, Almaluez, Arcos de Xalón y Maranchón.

Medinaceli ye l'antiga ciudat d'Occilis, que estió una ciudat celtibera d'os belos y dimpués un monecipium mientres l'Imperio Romano.

Se diz que en a alcazaba de Medinaceli bi morió Almanzor en 1002, cuan a ciudat feba parte d'o Califato de Cordoba, cuan as suyas tropas reblaban luego d'a suya redota en a batalla de Calatañazor.

Arredol de 1129, a ciudat fue reconquiesta por o rei Aifonso d'Aragón O Batallero, como Sigüenza, Molina d'Aragón y tot o curso alto d'o río Xalón, encara que luego o territorio fue adhibito a o reino de Castiella.

En a Guerra d'o Francés, Juan Martín Díez, O Empecinato, se i refuchió ta resistir a las tropas de l'Exercito francés.

• Arco romano de Medinaceli, d'os sieglos I-III. Ye o solenco arco romano d'Espanya con tres arcadas.
• Castiello de Medinaceli. Estió una alcazaba arabe y dimpués residencia d'os contes de Medinaceli.
• Colechita de Nuestra Sinyora de l'Asunción.
• Plaza Mayor, con o Palacio d'os duques de Medinaceli, un edificio d'o sieglo XVI que estió a seu d'a Casa de Medinaceli.
• Convento de Santa Isabel, d'o sieglo XVI, un convento de monchas clarisas.

• Linia 200 d'Adif.

• Se veigan as imáchens de Commons sobre Medinaceli.
• (es) Pachina web oficial municipal de Medinaceli.