Sunneenergii

As Sunneenergii oder Solarenergii bezäichnet mä d Energii vo dr Straalig vo dr Sunne, wo in dr Form vo elektrischem Strom, Wermi oder chemischer Energii technisch cha gnutzt wärde. D Sunnestraalig isch die elektromagnetischi Straalig, wo uf dr Oberflechi vo dr Sunne wäge iirer Tämpratur vo öbbe 5500 °C as Schwrzkörperstraalig entstoot. Die Tämpratur chunnt vo de Kärnfusionsbrozäss im Innere vo dr Sunne, wo Wasserstoffkärn zu Heliumkärn verschmelze.

Mit Hilf vo dr Solartechnik cha mä d Sunneenergii uf verschiideni Arte nütze:

• Sunnekollektore gwünne Wermi (Solarthermii bzw. Fotothermik)
• Solarzälle erzüüge elektrische Gliichstrom (Fotowoltaik)
• Sunnewermichraftwärk erzüüge elektrische Stroom mit Hilf vo Wermi und Wasserdampf
• Solarchocher oder Solarööfe choche Ässe oder sterilisiere medizinischs Material

Indiräkt wird d Sunneenergii gnützt:

• Pflanze und pflanzligi Abfäll wärde eso verarbäitet, ass nutzbari Flüssigkäite (z. B. Ethanol, Rapsöl) oder Gaas (z. B. Biogaas, wo mä drus Methan macht) entstöön.
• Wind- und Wasserchraftwärl erzüüge elektrische Strom
• As passivi Sunneenergii zum Hüüser z häize.

D Sunneenergii isch e regenerativi Energii, iiri Nutzig wird in vile Länder gförderet,^[1] zum Bischbil z Dütschland dur s Erneuerbare-Energie-Gsetz (EEG).

E groosses Brobleem mit dr Sunneenergii isch, ass si nume globaal gsee immer zur Verfüegig stoot. Zum Bischbil wenn am ene Ort Nacht oder schlächts Wätter isch, cha dört gar nid oder nume wenig Energii vo dr Sunne gsammlet wärde. Löösige für das Brobleem si, ass d Solarenergii mit andere Energiikwelle kombiniert wird, ass Spiicherkapazitääte entwigglet wärde oder ass s Stroomnetz eso usbaut wird, ass Stroom vo wit häär an alli Ort cha gläitet wärde, won er grad brucht wird.

• Christian Kuhtz, Georg Böhmeke: Aus der Reihe: Einfälle statt Abfälle, Einfache Nutzung der Sonnenwärme. 12 Bauanleitungen für viele Zwecke. Ausführliche Anleitung für gute, billige Warmwasser-Anlagen. Mit großem Basteltrick-Verzeichnis, Selbstverlag, Erweiterte Neuauflage 2003, ISBN 3-924038-57-0
• Bernward Janzing: Solare Zeiten – Die Karriere der Sonnenenergie. Eine Geschichte von Menschen mit Visionen und Fortschritten der Technik. Picea Verlag, Freiburg 2011, ISBN 978-3-9814265-0-2

 Commons: Sonnenenergie – Sammlig vo Multimediadateie

• Globalstrahlungskarte der Schweiz
• Tatsächliche Produktion Solar, stündlich aktualisierte Ertragsdaten deutscher Anlagen der European Energy Exchange
  • Visualisierung der SMA Solar Technology
• „Think Big!“: Szenario Energieerzeugung in Afrika und HGÜ, Artikel aus Sonne Wind & Wärme auf volker-quaschning.de vom Mai 2004
• Grüne Wiese, rotes Tuch – Die Solarbranche fürchtet Widerstände gegen Freilandanlagen und müht sich um öffentliche Zustimmung, Die Zeit, im Juni 2004

1. ↑ Zeit: Zu schnell, zu groß