Schmalspur

E Zug vo der Waldeburgerbahn im Bahnhof vo Buebedorf. S Waldeburgerli het bis 2021 e Spurwiiti vo 750 mm gha und verbindet Lieschtel and Waldeburg im Kanton Basel-Landschaft. Diä Bahn het als äinzigi i dr Schwiiz ä Schpuurwiiti vu 75 Santimeter gha, hüt isch si wie di andere Schmalspurbahne meterspurig.

De Begriff Schmalspur wird vor allem i dr Isebahn-Fachsprach verwändet. De Schmalspurbahne werdäd Gläis zuegordnet, wu schmelär sind als d Regelspur vu 1435 mm. Mäischtens sind diä Gläis ä Meter bräit, da redt mer vu Meterspur.

Verwändig

D Meterspur isch i dr Schwiiz di zwäitmäischt verbräiteti Gleisbreiti bi de Ysebahnliniä. Mer ordnet si dr Schmalspur zue, dänn d' Normalspur beträgt bekanntlich 1435 Millimeter.

I villnä Stedt sind d Tramgläis schmalspurig. Di gliichä Spurwiitene, mäischtens 100, 75 oder 60 Santimeter, werdät au für tramähnlichi Überlandbahne iigsetzt. Ä schmalspurigs Schinäfahrzüüg het vill de chürzer Brämswäg als ä normalspurigs. Vor Allem wänns gilt, ängi Kurve z bewältige, au im Gebirg, wählt mer bi dr Planig i dr Regel ä Meterspur. Fascht alli Standseil- und Zahradbahne sind vu dem här schmalspurig. Uusnahme sind d Rigi-Bahne und d Rorschach-Häidä-Bahn.

Weblink

Commons: Schmalspur – Sammlig vo Multimediadateie

Schmalspurbahn Lexikon (Schmalspurbahne vo Dütschland)