Ra (Arabische Buechstabe)

Rāʾ oder Ra ( راء ) isch de zeet Buechstabe im arabische Alphabet und het de Zaalewert 200. Er isch entstande usem phönizische Resch und drum verwandt mitem latinische R, em griechische Rho und em hebräische Resch.

S Ra stoot för s "Zunge-R" (IPA: /r/), wie i paarne alemannische Tielekt au und mue vom "Zäpfli-R" underschide werde, wells sus mitem arabische Luut Ghain verwechslet werde cha, wo äähnli töönt. I d DMG-Umschrift werd s mit "r" transkribiert.

S Ra isch e Sunebuechstabe, da haiss de Artikel al- werd assimiliert: ar-rīḥu »de Wind«.