Lilian Naef

D Lilian Naef (* 29. Oktober 1963 z Bùùrdlef) isch e Schwyzer Schauspiileri un Reschiseeri.

Vu 1980 bis 1984 isch d Naef uf di Kantonal Handelsschuel z Soledurn gange. Derno het si vu 1984 bis 1987 e Schauspiiluusbildig am Konservatorium fir Musik un Theater z Bärn gmacht.

Vu 1987 bis 1991 het si ne Engschmänt an dr Freie Volksbühne Berlin ghaa un het dert unter anderem d Parze in Der verbotene Garten vum Tankred Dorst (Reschy: Hans Neuenfels), d Esther in Victor oder Die Kinder an der Macht vum Roger Vitrac (Reschy: Klaus Emmerich), d Gustchen in Der Hofmeister vum Jakob Michael Reinhold Lenz (Reschy: Ulrich Heising), d Rosetta in Leonce und Lena vum Georg Büchner (Reschy: Christof Nel) und Beatrice in Die Braut von Messina vum Friedrich Schiller (Reschy: Ruth Berghaus) gspiilt.

Vu 1991 bis 1993 isch si as Lilo Pfister Mitgliid vum Kabarettensemble Geschwister Pfister gsii. An dr Schaubühne Berlin het si dernääbe 1992 d Mopsa in Das Wintermärchen vum William Shakespeare (Reschy: Luc Bondy) gspiilt un an dr Rost-Bühne Berlin 1992 d Titelroll in Fräulein Else (Reschy: Lore Stefanek).

Ab 1993 het d Naef e baar Johr lang as freii Schauspiileri gschafft, unter anderem het si 1994 am Bremer Theater d Christine Linde in Nora oder Ein Puppenheim vum Henrik Ibsen gspiilt, beim Theater Club 111 Bärn 1993 d Hanni Spröde in Hobbycop vu dr Meret Matter un dr Grazia Pergolettis, an der Rytschuel Bärn 1995 d Verzelleri in Ein Pfund Orangen no dr Marieluise Fleißer, am Schlachthuus Theater Bärn 1998 d Meaux in Südwärts vum Roger Lilles (Reschy: Stefan Lichtensteiger) un 1999 d Freundin in Dreiraff vum August Stramm (Reschy: Oswald Lipfert), am Schapsiilhuus Züri 1995 d Königin Isabella in Die wilde Sophie vum Patrick Frey noch em Lukas Hartmann, am Theater an de Winkelwiise Züri 1996 d Frau in Aus dem Wortschatz unserer Kämpfe vum Martin Walser (Reschy: Marianne de Pury) un 1998 d Angela in Alles ist zu ertragen nur nicht Überglücklichkeit vum Robert Walser (Reschy: Robert Hunger-Bühler), bim Freie Theater M.A.R.I.A., Aarau 1997 d Mutter in Un air de famille vu dr Agnès Jaoui un em Jean-Pierre Bacri (Reschy: Serena Sartori).

Vu 1999 bis 2002 isch d Naef Mitgliid vum Ensemble vum Lozärner Theater gsii, wu si unter anderem d Wirtin in Bernhards Frost vum Thomas Bernhard (Reschy: Sandra Strunz), d Saiko in Das Jagdgewehr vu dr Yasushi Inoue, verschideni Rolle in Das Totenhaus vum Philippe Minyana, d Monika Gall in Die Hochzeit vum Elias Canetti (Reschy: Albrecht Hirche), d Titelrolle in Toggeli vum Paul Steinmann un d Mary Shelley in Frankenstein gspiilt het. Do het si in verschidene Projäkt au Reschy gfiert.

Vu 2002 bis 2006 isch d si chinschtlerischi Laiteri vum Theater Marie Aarau gsii. Ab 2006 het si as freii Reschiseeri, Schauspiileri un Kommunikazionstreeneri un Sprächcoach gschafft. Si het dr Verain EcouteVoir grindet, wu verschiideni Kulturprojäkt in dr Beraich Theater, Film, Uusstellige un Lääsige realisiert.

An dr Bärner Fachhochschuel fir Gsundhait het si vu 2011 bis 2016 ne feschti Aastellig as Kommunikazionstreeneri ghaa, syterhär schafft si wider as freii Reschiseeri, Schauspiileri un Kommunikazionstreeneri.

• 2003: November
• 2006: Die Herbstzeitlosen
• 2015: Heidi

• Der Kampf des Negers und der Hunde, Theater M.A.R.I.E. Aarau und Winkelwiese Zürich, 2002
• Lüthis Lauf, Theater Tuchlaube Aarau, 2003
• Gipfeli 8 oder die Welt hat Zweifel, Chäslager Stans, 2005
• Wet Rock, Schlachthaus Theater Bern, 2007

• Migros-Stipendium: 1985 un 1986
• Salzburger Stier mit dr Geschwister Pfister: 1992
• Off-Stage Stipendium vum Kanton Bärn, 2009

• Jean Grädel: Lilian Naef. In: Andreas Kotte (Hrsg.): Theaterlexikon der Schweiz. Band 2. Chronos, Zürich 2005, ISBN 3-0340-0715-9, S. 1307.

• Websyte vu dr Lilian Naef
• Lilian Naef in dr Internet Movie Database