Kluus
Kluus | ||
---|---|---|
![]() |
||
Basisdate | ||
Staat: | Östriich | |
Bundesland: | Vorarlberg | |
Politische Bezirk: | Feldkirch | |
Kfz-Kennzeiche: | FK | |
Fläche: | 5,24 km² | |
Koordinate: | 47° 19′ N, 9° 39′ O | |
Höchi: | 507 m ü. A. | |
Iiwohner: | 3.073 (1. Jän. 2023) | |
Bevölkerigsdichti: | 586,45 Iiw. pro km² | |
Poschtleitzahl: | 6833 | |
Vorwahl: | 05523 | |
Gmoandskennziffer: | 8 04 09 | |
NUTS-Region | AT342 | |
Adress vo dr Gmoandsverwaltig: |
Anna Henslerstraße 15 6833 Kluus | |
Website: | ||
Politik | ||
Burgermoaschter: | Werner Müller (ÖVP) | |
Gmoandsvertrettig: (2010) (24 Mitgliider) |
||
Lag vo dr Gemeinde Kluus im Bezirk Feldkirch | ||
![]() | ||
Kluus | ||
(Quelle: Gmoanddate bi Statistik Austria) |
Dialäkt: Vorarlbärgisch |
Kluus (hochdütsch Klaus) isch a Gmoand in Öschtriich z'Vorarlberg im Bezirk Fealdkirch mit 3.073 Iiwohner.
Geografii
[ändere | Quälltäxt bearbeite]Dia Ortschaft isch a Erholigsdorf und liet in anara Bucht am reachta Rand vom Rhiital mit am günschtiga Klima. Do, a dr Häng vo da „Hoha Kugl“ (1645 m), würd scho sit langem Wii abaut.
Kluus liet uf anara Seehöhe vo ebba 450 m im Zentrum und ebba 510 m bi da Kircha und hot a Fläche vo 524,46 Hektar. Vom Gmuandsgebiet siand im Johr 1996 32,8 % Landwirtschaftsfläch, 50,3 % Wald, 9,9 % Sidlungsfläche und 7,0 % sunschtige Fläche gsi.[1] D Nochburgmoanda sind Fraxra, Wiiler, Röötis, Kobla und Götzis.
Vom Gipfl vo da Hoha Kugl hot ma an Rundblick vo da Gletscher i dar Silvretta bis zum Bodasee. Däs gits zwor uf vielna Schwizer und öschtriichischa Ussichtspunkt, abr sealta scho uf so na geringa Höhe.
Gschicht
[ändere | Quälltäxt bearbeite]890 isch da Nama s'erscht Mol urkundli as „ad Calcaires“ odr „Kalchern“ erwähnt wora, däs erinnarat a dia Kalköfa wos dozmol gia hot. Im Mittlalter hot Kluus zemmat mit Zwüschawasser, Viktorschberg, Röötis, Wiiler und Fraxra zu da Sulzer Großgmoand khört. D'Lüt hond vo Veahzucht, Ackrwürtschaft und sit am 12. Johrhundert all meh vom Wiiabau gleabt. Im 18. Johrhundert hot ma im Rhiital mim Abau vo Grumpara und Türgga (Mais) agfanga. Am Afang vom 20. Johrhundert hot sich dia Gmoand vom Winzerdorf zu nam mögiga Urloubsort entwicklat; sie liet uf anara Terassa wo ge Süda offa isch und hot vo döt her überdurchschnittli viel Sunnastunda.
Iiwohner
[ändere | Quälltäxt bearbeite]Quella: Statistik Austria: Bevölkerung seit 1869 für Gemeinden. STATcube
Johr | 1869 | 1880 | 1890 | 1900 | 1910 | 1923 | 1934 | 1939 |
Iiwohner | 596 | 640 | 667 | 760 | 862 | 797 | 892 | 894 |
Johr | 1951 | 1961 | 1971 | 1981 | 1991 | 2001 | 2011 | 2021 |
Iiwohner | 1.023 | 1.211 | 2.064 | 2.369 | 2.465 | 2.793 | 3.090 | 3.119 |
Politik
[ändere | Quälltäxt bearbeite]D'Gmoandsvertreatig beschtoht us 24 Mitglider. Noch da Gmoandsvertreatigswahl vo 2010 hot davo d'ÖVP 21 und dia Grüana 3 Sitz. Bürgermoaschtr isch da Werner Müller.
Gmoandspartnerschafta
[ändere | Quälltäxt bearbeite]- Donnerskirchen im Burgenland
Würtschaft und Infrastruktur
[ändere | Quälltäxt bearbeite]Im Früahjohr würd da Ort vo da Obschtbomm-Kultura prägt, wo denn i dar Blüte stond. D'Iiwohner honds gschafft, dass Kluus bi na paar nationala und internationala Bewerb für Bluamaschmuck und guate Umwealt mehrere Priis übrkoh hot. As git einige Lehrweag, wo d'Flora und d'Forschtwürtschaft erklärend.
Im Johr 2003 hots im Ort 70 Firmana vo da gwerblicha Würtschaft mit 1.065 Beschäftigta und 55 Lehrling gia, alls zemmat hots 1.222 lohnstüerpflichtige Erwerbstätige gia.
Verkehr
[ändere | Quälltäxt bearbeite]Dia Landesstroß L50 durchquert Kluus vo Nord noch Süd, vo döt goht dia L62 zum Aaschluß ad Rhiital/Walgauautobahn A14. Kluus hot o a Haltestell vo da ÖBB a dr Vorarlbergbahn Richtig Breagaz und Bludaz.
Bildig
[ändere | Quälltäxt bearbeite]Im Ort git as (Stand Jänner 2003) 471 Schüaler, wo a Volks- odr Hauptschual bsuachend. Dia Hauptschual würd zemmat vo da drü Gmoanda Fraxra, Kluus und Wiiler gnützt. Z'Kluus git as o an Kindergarta.
Dialekt
[ändere | Quälltäxt bearbeite]Dr Dialekt vo Kluus khört zum Bodeseealemannisch.
Weblink
[ändere | Quälltäxt bearbeite]![](https://cdn.statically.io/img/upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)
Fuaßnota
[ändere | Quälltäxt bearbeite]- ↑ Amt der Vorarlberger Landesregierung (Hrsg): Strukturdaten Vorarlberg. Bregenz 1996
![]() |
Dä Artikel basiert uff ere fräie Übersetzig vu dere Version vum Artikel „Klaus_(Vorarlberg)“ vu de dütsche Wikipedia. E Liste vu de Autore un Versione isch do z finde. |