Darm

Dr Darm (lateinisch intestinum, griech. ἔντερον, enteron) isch dr wichdigst Däil vom Verdauigsdrakt vo hööchere vilzällige Dier, dr Mensch inklusiv. Er goot vom Magepförtner bis zum Füüdle. Dr Darm isch bim erwachsnige Mensch öbbe 5 Meter lang und het wäge de fiine Darmzotte en Oberflechi vo öbbe 32 m².^[1] Dr Darm isch vo vile Mikroorganisme besiidlet, wo men e allne zämme Darmflora säit.

Fläischfrässer (Carniwore) häi e seer churze Darm, wil mä Fläisch liicht cha verdaue. Dr Darm vo Allesfrässer (Omniwore) isch lenger, wil e Dail vo iirer Naarig pflanzlig isch und das langsamer verdaut wird. Die lengste Därm häi d Pflanzefrässer (Herbiwore), wil si Pflanzefaasere müesse verdaue und daas mäistens indiräkt mit Hilf von äizällige Symbionte und das brucht vil Zit.

Dr Darm isch iidäilt in

• Dünndarm (lat. Intestinum tenue), dä bestoot us em
  • Zwölffingerdarm (lat. Duodenum),
  • Leerdarm (lat. Jejunum) und
  • Chrummdarm (lat. Ileum),
• Dickdarm (lat. Intestinum crassum), dä bestoot us em
  • Blinddarm (lat. Cæcum) mit em Wurmfortsatz (lat. Appendix vermiformis, wo men em in dr Umgangssprooch falsch „Blinddarm“ säit),
  • Grimmdarm (griechisch/lat. Colon) mit em ufstiigende (Colon ascendens), kwerlaufende (Colon transversum) abstiigende (Colon descendens) und S-förmige (Colon sigmoideum) Däil und em
  • Mastdarm (lat. Rectum) wo au as Änddarm bezäichnet wird.

• Verdauig
• Regulazioon vom Wasserhushalt
• Usbildig vom ene groosse Däil vo de Abweerzälle vom Immunsüsteem
• Brodukzioon vo Hormon und Botestoff

• Giulia Enders: Darm mit Charme. Alles über ein unterschätztes Organ. Ullstein, Berlin 2014, ISBN 978-3-550-08041-8. 
• Franz-Viktor Salomon: Darm, Intestinum (Enteron). In: Salomon u. a. (Hrsg.): Anatomie für die Tiermedizin. 2. Uflaag, Enke, Stuttgart 2008, S. 293–311, ISBN 978-3-8304-1075-1
• Julia Seiderer-Nack: Was passiert im Darm? Neues Wissen für mehr Darmgesundheit - Darmbarriere, Bauchhirn und die richtige Ernährung. Südwest, Stuttgart 2014, ISBN 978-3-517-08959-1).
• Mary Roach: Schluck. Auf Entdeckungsreise durch unseren Verdauungstrakt. DVA, München 2014 (Originaltitel: Gulp, übersetzt vo dr Katrin Behringer), ISBN 978-3-421-04640-6.

 Commons: Darm – Sammlig vo Multimediadateie

1. ↑ Helander HF, Fändriks L. Surface area of the digestive tract – revisited. Scand J Gastroenterol 49: 681-9, 2014.

Dä Artikel basiert uff ere fräie Übersetzig vum Artikel „Darm“ vu de dütsche Wikipedia. E Liste vu de Autore un Versione isch do z finde.