Basketball

Basketball isch e Ballsportart, wo mäistens in dr Halle gspiilt wird vo zwäi Mannschafte, wo brobiere, d Balle in dr Chorb vom Gegner z wärfe. D Chörb befinde sich in de Middene vo de bäide schmale Site vom Spiilfäld und si 3,05 Meter hooch. E Mannschaft bestoot us fümf Fäldspiiler und bis zu siibe Spiiler zum Uswäggsle. Dr Dreener cha jeede Spiiler so mänggisch wien er will uswäggsle. Wenn dr Chorb us em Spiil uuse droffe wird, git das, je noch däm wie wit dr Spiiler bim Gheije vom Chorb äwäg gsi isch, zwäi oder drei Pünkt. Für e glungnige Freiwurf git s äi Punkt. D Mannschaft mit de mäiste Pünkt gwünnt s Spiil.

Basketball isch im Joor 1891 vom kanadische Dreener James Naismith as Hallesport erfunde worde. Sit 1936 isch d Sportart olümpisch. Hüte isch Basketball uf dr ganze Wälz populär, bsundrigs in de USA, China und Südeuropa. Alli vier Joor findet im ene andere Land d Basketball-Wältmäisterschaft statt, wo vom Wältbasketballverband FIBA veraastaltet wird.

Noch dr FIBA spiile öbbe 450 Millione Mensche uf dr ganze Wält Basketball.^[1] Die erfolgriichste Basketballspiiler ghööre internazional zu de bestzaalte Profisportler. Zu de bekannteste Spiiler us dr NBA ghöre dr Kobe Bryant, dr LeBron James, dr Magic Johnson, dr Shaquille O'Neal und dr dütschi Spiiler Dirk Nowitzki.

• Peter Kränzle, Margit Brinke: Basketball Basics. Stuttgart 2000, ISBN 3-613-50359-X.
• Robert W. Peterson: Cages to Jump Shots: Pro Basketball’s Early Years. Omaha 2002, ISBN 0-8032-8772-0.
• John Hareas: 100 Jahre Basketball. Delius Klasing Verlag, Bielefeld 2005, ISBN 3-7688-1670-2.
• Deutscher Basketball Bund (Hrsg.): Offizielle Basketballregeln für Männer und Frauen. (beschlosse vo dr FIBA ab Septämber 2004), Hagen 2004.
• Donald S. McCuaig: Basketball: a YMCA Invention. (Memento vom 5. Augschte 2009 im Internet Archive) In: YMCA Canada Y Triangle. Kanada.
• Michael Schrittwieser, Egon Theiner: Basketball. Alles über Technik, Taktik und Training. BLV, Münche 2004, ISBN 3-405-16727-2.
• Markus Alexander: Die Geschichte des Basketballs von den Anfängen bis heute. Baltic Sea Press, Rostock 2013, ISBN 978-3-942654-24-1.

 Commons: Basketball – Sammlig vo Multimediadateie

• Deutscher Basketballbund e. V.
• Basketball Bundesliga (BBL)
• Damen-Basketball-Bundesliga (DBBL)
• FIBA Europe (änglisch)
• National Basketball Association (änglisch)
• National Basketball Association
• Basketball-Schiedsrichter (über d Reegle)

1. ↑ FIBA: Presentation: Quick facts, abgrüeft am 25. Juli 2010.

Dä Artikel basiert uff ere fräie Übersetzig vum Artikel „Basketball“ vu de dütsche Wikipedia. E Liste vu de Autore un Versione isch do z finde.