Anna Pawlowna Pawlowa

D Anna Pawlowna Pawlowa (Анна Павловна Павлова, äigetlig russisch Анна Матвеевна Павлова Anna Matwejewna Pawlowa, in westlige Sprooche vilmol Anna Pavlova transkribiert; * 31. Jänner^jul./ 12. Februar 1881^greg. z Sankt Petersburg; † 23. Januar 1931 in Den Haag), isch e russischi Mäisterdänzere vom klassische Ballett gsi.

D Anna Pawlowa isch vo 1899 Mitgliid im Ansambel vom St. Petersburger Mariinski-Theater gsi. Si het im Der Nussknacker, Raimonda, Giselle, La Bayadère u. a. danzt. Under em Michel Fokine het si gröösseri Partie überchoo, u. a. in Les Sylphides und Ägyptische Nächte. 1907 het dr Fokine für si s bekannte Solo Dr stärbend Schwan us em Le carnaval des animaux (1886) vom Camille Saint-Saëns inszeniert.

Vo 1908 isch si in ganz Öiropa ufdräte und internazional berüemt worde. Wo dr Sergej Djagilew 1909 z Bariis Les Ballets Russes gründet het, häi dr Vaslav Nijinsky und d Anna Pawlowa die füerende Rolle übernoo. D Ballets Russes si zu äinere vo de berüemtiste und erfolgriichste Ballettkompanie in iirer Zit worde.

Litratuur

Barbara Beck: Die berühmtesten Frauen der Weltgeschichte: Vom 18. Jahrhundert bis heute. Marix, Wiesbade 2008, S. 76-78, ISBN 978-3-86539-942-7.

Weblingg

Commons: Anna Pawlowa – Album mit Multimediadateie

Bilder vu Anna Pawlowna Pawlowa In: Virtual History
Biografii, Zitig Neue Vision, 20. Januar 2011 (russisch)
Pawlowa-Neuheiten, Vossische Zeitung, Morgen-Usgoob, 3. Januar 1927, S. 3.

Dä Artikel basiert uff ere fräie Übersetzig vum Artikel „Anna_Pawlowna_Pawlowa“ vu de dütsche Wikipedia. E Liste vu de Autore un Versione isch do z finde.