Kiribati
Kiribati [kiri:ba:s] isch en Inselstaat im Pazifik. Zum Staatsterritorium ghören e Hufe Insle in Mikronesie und Polynesie, wo verstreut über e wiits Gebiet nördlig und südlig vom Äquator lige.
| Kiribati (gilbertes.) Republic of Kiribati (ängl.) Republik Kiribati | |||||
| |||||
| Wahlspruch: „te mauri, te raoi ao te tabomoa“, «Gsundheit, Friiden und Wohlstand» | |||||
| Amtsspraach | Gilbertesisch und Änglisch | ||||
| Hauptstadt | South Tarawa | ||||
| Staatsoberhaupt und Regierigschef | Presidänt Taneti Maamau | ||||
| Flächi | 811 km² | ||||
| Iiwohnerzahl | 112.850 (Schetzig: 2009) 92.533 (Stand: 2005) | ||||
| Bevölkerigsdichti | 136,1 (Schetzig: 2009) Iiwohner pro km² | ||||
| Bruttoinlandsprodukt nominal (2007)[1] | 67 Mio. US$ (181.) | ||||
| Bruttoinlandsprodukt pro Iiwohner | 686 US$ (148.) | ||||
| Währig | Kiribati-Dollar und Australische Dollar | ||||
| Unabhängigkeit | 12. Juli 1979 | ||||
| Nationalhimne | Teirake Kaini Kiribati | ||||
| Zitzone | UTC+12, +13, +14 | ||||
| Kfz-Kennzeiche | KIR | ||||
| Internet-TLD | .ki | ||||
| Vorwahl | +686 | ||||
 | |||||
 | |||||
Dr Nationalfiierdig isch dr 12. Juli, dr Johresdag vo dr Unabhängigkeit 1979.
Geographii
ändereUsdehnig
ändereS Territorium het e West-Ost-Usdehnig vo öbbe 4.835 km (Luftlinie vo dr westligste Insle Banaba bis zur östligste Insle im Caroline-Atoll) und e Nord-Süd-Usdehnig vo öbbe 1.973 km (Luftlinie vo dr nördligste Insle Teraina (Washington Island) bis zur südligste Insle Flint Island) in eme Meeresgebiet vo rund 5,2 Mio. km².
Lag
ändereS Staatsgebiet lit – ganz allgemein gsait – halbwägs zwüsche Hawaii und Australie in dr Mikronesische Region vom Südpazifik. Zwüsche de Gilbert- und Phoenixinsle verläuft dr 180. Längegrad und drmit, bis Ändi 1994, die internationali Datumgränze. So dass mä im ganze Staatsgebiet s gliiche Datum gha het, isch am 1. Januar 1995 d Datumsgränze so gänderet worde, dass ganz Kiribati westlig drvo lit. Die östligsti vo de Line Islands, Caroline Island, heisst sit em 1. Januar 2000 Millennium Island, wil uf dere Insle dr ersti Sunnenufgang vom Johr 2000 beobachtet worden isch.
Inselgruppe
ändereDr Inselstaat bestoht us 32 Atoll, wo mä cha in drei Inselgruppen zsämmefasse, und d Insle Banaba:
| Gilbertinsle | 16 Atoll 282 km² | |
| Phoenixinsle | 8 Atoll 27,7 km² | |
| Line Islands | 8 vo im Ganze 11 Atoll 495 km² |
Dr Grossdeil vom Land befindet sich weniger as zwei Meter über em Meeresspiegel. En Usnahm isch d Vulkaninsle Banaba, wo mit 81 m über NN die höggsti Erhebig im Inselstaat isch. Lut eme Bricht vo de Vereinte Natione us em Johr 1989 wird Kiribati eins vo de erste Länder si, wo im 21. Johrhundert as Folg vom Klimawandel zum Grossdeil überfluetet wurd. Middi 1999 isch bekannt gee worde, ass zwei unbewohnti Koralleriff überfluetet worde si.
- Übersicht über die wichtigste Insle und Atoll
| Kiritimati (Christmas Island Wiehnachtsinsle) |
375 km² | 5.200 Iiwohner | Kiritimati het vo allne Koralleninsle uf dr Wält die grössti Landflechi. | |
| Tabuaeran (Fanning Island) |
33,7 km² | ca. 2.500 Iiwohner | Dr änglisch Name vo däm Atoll chunnt vom US-amerikanische Entdecker Edmund Fanning. | |
| Teraina (Washington Island) |
14,2 km² | 1.150 Iiwohner | Das Atoll isch au vom Fanning entdeckt worde, won es noch em US-Presidänt George Washington benennt het. | |
| Banaba (Ocean Island) |
6 km² | 301 Iiwohner | Im Johr 1900 het mä entdeckt, ass alle Felse us versteineretem Vogeldräck (Guano) bestoht. Banaba isch näbe Nauru die zweiti Insle im Westpazifik, wo grossi Phosphatlager het. | |
| Tarawa | 32 km² | ca. 50.000 Iiwohner | Das Atoll isch s Hauptatoll vo dr ehemolige britische Kolonii vo de Gilbertinsle gsi und isch hüte s Hauptatoll vo dr Republik Kiribati. | |
| Abariringa (Canton Island) |
9 km² | 41 Iiwohner | Dr änglischi Name vom Atoll wird druf zruggfüehrt, ass 1854 dr Walfänger Canton vor dr Insle uf Grund gloffen isch. |
Bevölkerig
ändereD Bevölkerig vo Kiribati isch ethnisch sehr homogen. Fast 99 % si Mikronesier. Usserdäm läben 0,8 % Polynesier und 0,2 % Europäer uf Kiribati.
D Iiwohner nenne sich im Singular wie im Plural I-Kiribati. S Adjektiv vo dr Nationalitet und dr Landessprooch wird as Kiribati ohni Prefix 'I' bezeichnet.
Weblingg
ändereFuessnote
ändereKoordinate: 3° S, 169° W
