Regierigsbezirk Chaarlsruei

Wappe	Karte

Basisdate
Bundesland:	Baade-Wiirdebärg
Verwaltigssitz:	Chaarlsruei
Flächi:	6.919 km²
Iwohner:	2.761,977 (31. Dez. 2015)
Bevölchrigsdichti:	404 Iwohner je km²
Bezirksgliderig:	5 Schdadchrais un 7 Landchrais mit insgsamd 211 Gmeinde
Regierigsbräsidiùm
Regierigspräsident:	Nicolette Kressl
Adress vu de Bezirksregierig:	Schlossplatz 1–3 76131 Karlsruhe
Website:	www.rp-karlsruhe.de
eMail-Adress:	info@rp-karlsruhe.de
Charte

Dialäkt: Undermarkgreflerisch

Dr Regierigsbezirk Chaarlsruei isch ein vù vier Regierigsbezirk im Bundesland Baade-Wiirdebäärg z Dydschland. Er schdood in dr Hierarchyy zwische dr Landchreis ùf aine Syde ùn dr Landesregierig ùf dr andere Syde.

Geografyy

Dr Regierigsbezirk Chaarlsruei lyd im Noordweschde vù Baade-Wiirdebäärg. Im Siide gränzd er an dr Regierigsbezirk Fryybeg, im Noorde an Hesse ùn im Oschde an dr Regierigsbezirk Schduegerd. Im Weschde bilded dr Ryy d Gränze zue Ryyland-Bfalz.

Gschiichd

In dr hidige Gränze good dr Regierigsbezirk Chaarlsruei ùf d Verwaldigs- ùn Biedsrefoorm vùm 01. Jänner 1973 zrùg. Dr Voorlaifer isch dr Regierigsbezirk Noordbaade gsii, wù ane 1952 bilded wooren isch us dr Noordhälfdi vùm friejere Land Baaden.

Organisation

Di ooberschd Bhèèrd isch s Regierigsbräsidiùm z Chaarlsruei. Dr Laider vùm Regierigsbräsidiùm isch dr Regierigsbräsidänd, wù vùm baade-wiirdebärgische Minischderbräsidänd ernand wird.

D Regierigsbräsidände (syder 1952):

1952–1963: Hans Huber
1963–1974: Werner Munzinger
1975–1985: Trudpert Müller
1986–1988: Adolf Bieringer (CDU)
1988–1994: Karl Miltner (CDU)
1994–2005: Gerlinde Hämmerle (SPD)
2005–2012: Rudolf Kühner (parteilos)
2012–2019: Nicolette Kressl (SPD)
syder 2019: Sylvia Felder (CDU)

Ùfgabe vum Regierigsbräsidiùm

S Regierigsbräsidiùm isch zueschdändig fir d Ùmsezig vù gsezlige Ùfgaabe ùn landesbolidische Ziil im Regierigsbezirlk.

S Regierigsbräsidiùm hed aachd Abdailige:

Schdyyre ùn Verwaldig
Wiirdschafd, Ruumoornig, Bäu-, Dänggmool ùn Gsùndhaidswääse
Landwirschafd, Ländlige Ruum, Veterinär- ùn Lääbensmidelwääse
Schdroosewääse ùn Verchèèr
Ùmwäld
Landesbolizèidiräkzion
Schuel ùn Bildig (Oberschuelamd)
Landesùfnaameyyriichdig, Uusländer, Uusssidler, Zändraali Buesgäldschdel

Verwaldigsgliiderig

3 Regione
7 Landchrais und 5 Schdadchrais
211 Schded ùn Gmaine. Derzue ghèère fimf Schdadchrais ùn 20 Groosi Chraisschded.

D Regione mid dr Schdad- ùn Landchraise

Region Ryy-Neckar: MA - Schdadchrais Manne; HD - Schdadchrais Haidelberch; MOS - Neckar-Oodewald-Chrais; HD - Ryy-Neckar-Chrais
Region Midlere Ooberryy: BAD - Schdadchrais Baade; KA - Schdadchrais Chaarlsruei; KA - Landchrais Chaarlsruei; RA - Landchrais Raschdad
Region Nordschwarzwald: PF - Schdadchrais Bfoorze; CW - Landchrais Calp; PF - Enzchrais; FDS - Landchrais Frèideschdad

Die 20 Groose Chraisschdedt (schdeen ùnder dr Fachùfsiichd vùm Regierigsbräsidiùm):

Weblink

Regierungspräsidium Karlsruhe

Dä Artikel basiert uff ere fräie Übersetzig vum Artikel „Regierungsbezirk_Karlsruhe“ vu de dütsche Wikipedia. E Liste vu de Autore un Versione isch do z finde.