Slag van Mars-la-Tour

Slag van Mars-la-Tour
Deel van die Frans-Duitse Oorlog
Von Bredow se doodsrit - die Pruisiese kavallerie bestorm die Franse artillerie by die Slag van Mars-la-Tour
Datum 16 Augustus 1870 Ligging Mars-la-Tour, Frankryk Resultaat Duitse oorwinning
Strydende partye
Pruise Hesse-Darmstadt	Tweede Franse Keiserryk
Aanvoerders
Constantin von Alvensleben	François Bazaine
Sterkte
30 000 troepe, later versterk na 80 000	127 000 troepe
Ongevalle en verliese
15 780	13 761

Die Slag van Mars-la-Tour het op 16 Augustus 1870 gedurende die Frans-Duitse Oorlog naby die dorpie Mars-la-Tour in die noordooste van Frankryk plaasgevind. Twee Duitse troepe het teen die volledige Franse Rynleër te staan gekom. Die Duitsers wen teen alle verwagtinge die slag en die Franse moes na die vesting van Metz terugval.

Generaal Von Alvensleven is deur die Franse artillerie geteister. Daarbenewens was hy bang dat die Franse kavallerie sy wankelrige linkerflank sou aanval. Von Alvensleben het 'n boodskap aan die bevelvoerder van die 12de kavalleriebrigade, generaal-majoor Friedrich Wilhelm von Bredow gestuur om die Franse artillerie onder generaal Canrobert aan te val.

Von Bredow gebruik die terrein en kruitdampe om sy aanval tot die laaste oomblik te versteek. Die aanval het paniek onder die Franse soldate veroorsaak en die Franse artillerie is geneutraliseer. Die voorval sou later as "Von Bredow se doodsrit" bekend word.

Die veldslag was 'n klinkende oorwinning vir die Duitsers, wat verreweg in die minderheid was. Die Franse val terug, waarna die beleg van Metz begin.

Von Bredow se doodsrit het 'n belangrike uitwerking op toekomstige oorlogvoering gehad. Die sukses van die kavallerieaanval het die indruk geskep dat kavallerie steeds 'n deurslaggewende rol tydens veldslae kon speel, terwyl hulle funksie eintlik reeds uitgedien was. In die komende 47 jaar sou kavallerie steeds 'n belangrike onderdeel van Europese magte vorm.

49°06′11″N 5°52′21″O / 49.103095°N 5.872536°O / 49.103095; 5.872536