Mededinger (ekonomie)
Mededingers is sakeondernemings wat dieselfde of 'n soortgelyke produk of diens as ander ondernemings verksaf. Elke onderneming wat met 'n ander meeding, probeer om soveel moontlik van dieselfde klante of kliënte te kry om sy produkte te koop of om van sy dienste gebruik te maak. 'n Onderneming moet bewus wees van nuwe mededinging en sy mededingers noukeurig bestudeer omdat die mededinger die onderneming se handel en bedrywighede kan bemoeilik.
'n Onderneming moet weet wat sy posisie is met betrekking tot sy mededingers op die volgende gebiede is:
- Markaandeel: Nuwe mededingers kan deel van die markaandeel verkry, wat die onderneming met minder verkope sal laat. Substituutprodukte kan deur mededingers aangebied word, wat tot gevolg kan hê dat verbruikers eerder húl produkte sal wil koop.
- Arbeid: Bekwame werknemers kan die onderneming verlaat omdat hulle beter vergoedingspakkette by mededingers aangebied word.
- Kapitaal: Finansiële instellings kan aan verskillende ondernemings verskillende finansieringskoerse bied wat mededingers kan bevoordeel.
- Materiaal: Die bedingingsmag van kopers wat om dieselfde materiaal meeding, kan tot gevolg hê dat mededingers die materiaal teen laer kospryse bekom.
Mededinging is nodig omdat dit tot hoër produktiwiteit, tegnologiese innovering, goedere en dienste van 'n beter gehalte, en beter pryse vir verbruikers lei.
