Mechelen

Mechelen Malines
Munisipaliteit
Sint-Rombouts-katedraal
Vlag Wapen
Ligging van Mechelen in die provinsie Antwerpen
Koördinate: 51°02′00″N 4°29′00″O / 51.03333°N 4.48333°O / 51.03333; 4.48333
Land	België
Gewes (deelstaat)	Vlaandere
Provinsie	Antwerpen
Regering
• Burgemeester	Bart Somers (VLD)
Oppervlak
• Totaal	65,2 km2 (25,2 vk. myl)
Bevolking
• Totaal	81 972
• Digtheid	1 257/km2 (3 260/vk. myl)
Poskode	2800, 2801, 2811, 2812
Skakelkodes	015 – 03
Webwerf	www.mechelen.be

Mechelen (Frans: Malines) is 'n Belgiese stad in die suidweste van die Vlaamse provinsie Antwerpen, aan die grens met die provinsie Vlaams-Brabant. Die munisipale gebied het 'n oppervlakte van 65 km² en sowat 82 000 inwoners (2011).

Mechelen lê aan die Dyle-rivier en grens aan die munisipaliteite Willebroek, Rumst, Sint-Katelijne-Waver, Bonheiden, Boortmeerbeek, Zemst en Kapelle-op-den-Bos. Die stad beskik oor 'n spoorwegstasie wat verbindings na Antwerpen, Brussel, Leuven, Dendermonde en Gent bied.

Die historiese huise langs die Dyle, die IJzerenleen (straat) en die Groot Markplein in die historiese stadsentrum lok besoekers. Die stad het baie besienswaardighede. Die Middeleeuse Lakenhal en Sint-Rombouts-katedraal is deur UNESCO as wêrelderfenis aangewys, terwyl die museum vir die kulturele genot van besoekers is.

Daar is verskeie hotelle en restaurante.

Die Sint-Rombouts-katedraal se toring is 97,28 meter hoog. Mechelen is die setel van 'n Rooms-Katolieke aartsbiskop.

In die 9de eeu word die streek van Mechelen deur die Wikings geplunder. Die stad het eers in die 11de eeu ontstaan. Karel die Stoute, hertog van Boergondië, vestig in 1473 die rekenkamer en die parlement (groot raad) in die stad.

• Sint-Rombouts-katedraal met skildery van Antoon Van Dyck
• Onze-Lieve-Vrouw-over-de-Dijlekerk met skildery De wonderbare visvangst van Peter Paul Rubens
• Museum Schepenhuis uit die 14de eeu
• Hof van Busleyden
• Stadhuis (UNESCO-wêrelderfenis)op die Groot Markplein
• Op die Groot Markplein staan die huis In het Haentien (1773) met gewel in Lodewyk XV-styl met 'n vergulde haan op die spits van die gewel.
• Tivoli park
• Brusselpoort
• Grote Markt
• Het Hof van Savoye
• die Klein Begijnhof
• die Groot Begijnhof
• Technopolis
• Dossinkazerne

• Rembert Dodoens (1517–1585), dokter
• Rik Wouters (1882-1916), skilder

• (nl) Die amptelike webwerf van die munisipaliteit
• (nl) amptelike webwerf toerisme Mechelen

Wikimedia Commons bevat media in verband met Mechelen.

Hierdie artikel is ’n saadjie. Voel vry om Wikipedia te help deur dit uit te brei.