Frederick Carrington

Frederick Carrington
Geboortedatum	23 Augustus 1844
Geboorteplek	Cheltenham, Gloucestershire, Engeland
Sterfdatum	22 Maart 1913 (68 jaar oud)
Sterfplek	Cheltenham, Gloucestershire, Engeland
Lojaliteit	Verenigde Koninkryk
Diens/Tak	Britse Weermag
Rang	Generaal-majoor
Poste beklee	Frontier Light Horse, 2de Berede Infanterie
Veldslae/oorloë	Negende Grensoorlog Gewere-oorlog Eerste Matabele-oorlog Matabele-opstand Tweede Vryheidsoorlog
Toekennings	Knight Commander of the Order of the Bath Knight Commander of the Order of St Michael and St George
Familie	Dorothy Carrington (dogter)

Sir Frederick Carrington (1844–1913) was 'n Britse offisier met die rang van Generaal-majoor. Hy is gebore in Cheltenham, Engeland. Hy arriveer in 1875 in Suid-Afrika. Sy eerste veldtog was in Griekwaland-Wes. Daarna was hy betrokke in die Galeka-veldtog in 1877. Hier bring hy die Frontier Light Horse op die been wat hy ook aanvoer. Hy was die kommandant van die Transvaalse Vrywilligerkorps wat Sekoekoenie se vesting aanval. Hy was die aanvoerder by Mafeteng in die Gewere-oorlog waar hy ook swaar gewond is.

In 1884 voer hy die Second Mounted Rifles aan en 1888 was hy kommandant van die opgekommandeerde swartmans in die Zoeloe-onluste. Hy was die bevelvoerende offiser in die Matabele-opstand van 1896. Hy word kommandant van die Betsjoeanalandse Grenspolisie in 1893. Tydens die Tweede Vryheidsoorlog was hy die bevelvoerder van 'n Rhodesiese mag wat Transvaal uit die noorde moes aanval. Hy is in 1913 oorlede. Sy dogter is die skryfster Dorothy Carrington.

• Ensiklopedie van Suidelike Afrika, Eric Rosenthal, 1967

• Wikimedia Commons het meer media in die kategorie Frederick Carrington.