Dina Abdel-Nabi's Reviews > نوافذ مواربة

"متشابهون رغم الاختلافات "

دة بالظبط اللى كان بيدور فى دماغى أثناء قراءة الكتاب , رغم إن الكتاب مجموعة مقالات مختلفة لمدونين من بلاد مختلفة , إلا إن فى تشابه كبير بين تفكيرهم , أحلامهم , طموحاتهم , مشكلاتهم , شغفهم , إحباطهم , رؤيتهم للأشياء ..كل حاجة !مش عارفة دة لأنهم كلهم شباب فالقضايا قد تكون واحدة حتى لو اختلفت البلد , و لا دة لأن أصلاً إحنا عايشين فى رقعة جغرافياً متقاربة فبتفرض نوع معين من القضايا و الاهتمامات , و لا دة للظرف التاريخى اللى احنا عايشينه اللى مخلى الأحداث بتتكرر من بلد لتانية -خط الثورة مسيطر على معظم الكتاب بقوة :) -
إلا إن الكتاب لذيذ , فسحة حلوة فى عقول و قلوب ناس مختلفة , تقدِّر اختلافهم أكتر شىء .. و بسبب الاختلاف دة كمان التفاوت فى مستوى التدوينات كان واضح جداً , ففى حاجات فعلاً مكتوبة باحترافية عالية جداً و حاجات تانية دون المستوى ... بس هى الحالة اللى مميزة ..