Michael Learns to Rock
- Mayda impormasyon hini nga artikulo nga aada han Iningles nga bersyon nga angay ighubad ha Winaray
| Michael Learns to Rock | |
|---|---|
| Kilalado gihapon nga | MLTR |
| Gintikangan | Aarhus, Denmark |
| Mga genre | Pop, soft rock, rock, pop rock, alternatibo nga pop |
| Mga tuig nga aktibo | 1988–yanâ |
| Mga label |
EMI Records Impact Records MCA Records (US) MLTR Music (Independent) |
| Websayt | mltr.dk |
| Mga api | |
|
Jascha Richter Mikkel Lentz Kåre Wanscher | |
| Mga kasanhi nga api | |
| Søren Madsen | |
An Michael Learns to Rock (nga kilalado gihapon nga MLTR) usa nga Danes nga pop-soft rock nga banda nga nagpapasundayag hin mga kanta ha Iningles. Ginhimo ini dida han 1988, ngan an banda nakabaligya hin labaw nga 11 ka ribo o 11 ka milyon nga mga rekord ha kalibutan, kaurog hini ha Asya, ngan ha dugang, mga 6 ka milyon o sobra pa nga binaydan nga mga pagdeskarga o pagdowload para han ira single nga "Take Me To Your Heart"[1] Ginhipos 2011-08-19 han Wayback Machine nga ginpremyohan nga "Most downloaded single han tuig 2006".[1] Nagpagawas hira hin pitó nga mga studyo nga mga album pati gihapon hin mga damo nga mga live ngan mga greatest hits nga mga album, ngan ha yana nagrerekord han ira ika-waló nga studyo nga album. Nakadaog hin damo nga mga award an MLTR ngan nakakuha hira hin Bulawan ngan Platinum nga status para hn ira mga rekord ha damo nga mga nasod, pati gihapon an "Gold Preis Award" tikang ha RSH, Alemanya and "The Best Performing Act of the Year" han SEA nga Grammy Awards ha Singapore. An banda nagkilala nga na ira pagmalinamposon ha Asya tungod hin malimpyo-nga-panginabuhi nga hulagway ngan pagkanta ha Iningles komo ikaduha nga pinulongan.[2]
Dida han hataas nga bahin han ira pagkasikat, dida han butnga nga 90 nga dekada, an MLTR ginpahayag han mga kritiko nga "maupay (o kun di man mauruupay) nga banda sugad hin bisan hin-o nga dako nga ngaran nga grupo tikang ha Amerika o ha UK.”[2] Ginhipos 2011-08-19 han Wayback Machine
Sumala han mga ginpagawas han ira record label, an ira tunog amo "the perfect balance of a Scandinavian glow and the international pop song that has been instrumental in forming the compelling sound of the band",[3] (kon ha Winaray: "an perpekto nga balanse hin Scandinavian nga pagsiga ngan an internasyonal nga pop nga kanta nga amo an pamaagi han paghimo han kinahanglan pamati-on nga tunog han banda"). Bisan pa, an nangunguna nga paragkanta ngan paragsurat hin kanta nga hi Jascha Richter diri nauyon hini, nga diin nasiring hiya ngan an musika waray heyograpiya nga pagkategorisar.[2]
Kaagi
[igliwat | Igliwat an wikitext]An mga pagtikáng (1988–1992)
[igliwat | Igliwat an wikitext]Han 1988, an magkaranta-keyboardista nga hi Jascha Richter, nga karuyag magtirok hin usa ka banda basi magpasundayag hin mga kanta nga iya ginkumpso, nakigsabot upod han iya sangkay ha iskwela-sekondarya ngan drummer nga hi Kåre Wanscher ha Aarhus, Dinamarka. Nakasabot hira han kakulangan ha pagtokar nga duha la hira, ngan nagpabulig hira han gitarista nga hi Mikkel Lentz, nga hadto natokar hin rock nga musika upod han iya grupo nga Rocking Studs. Han Marso 15, 1988, nga amo an ira syahan nga gab-i hin pagpraktis ngan nakinahanglan pa hira hin ika-upat nga musikero, naghangyo hira kan Søren Madsen, nga gitarista gihapon nga bumulig ha ira dida han bass nga sista.[2] Nakarekord hira ni demo nga tape nga igpapadara ngadto han kompetisyon nga 'Rock Grand Prix' ha ira bungto nga ginuukyan nga amo an Aarhus. Nagkinahanglan hira nga maghimo hin ngaran ugsa ini igsumite, nga diin nagresulta nga hi Jascha nagsurat han mga pulong 'Michael Learns to Rock' komo paaliday ha pulong. Dida hin interview, nag-admitar hi Richter nga ginngaranan ini tungod kan Michael Jackson: "Yeah, it was like Johnny Hates Jazz and Frankie Goes to Hollywood. Sure, I've regretted calling ourselves this many times since, but we were successful so quickly we had to stick with it and over time I got used to it"[2] (kon ha Winaray: Oo, baga ini han Johnny Hates Jazz ngan Frankie Goes to Hollywood. Sigurado nga nakadamo hi ako pagbasol nga nagngaran kami hin sugad hini, kundi madali kami nga nagmalinamposon nga nagpabilin na la kami nga sugad hini ngan ha paglabay na la han panahon, nahi-ara na la ak hiton).
Mga kasarigan
[igliwat | Igliwat an wikitext]- ↑ Nelson Wu (4 Hulyo 2007). "Danish Pop trio 'Michael' ready to woo Taipei". Ginhipos tikang han orihinal han 2013-12-11. Ginkuhà 2011-10-09. The China Post Ginkúhà 02 Oktubre 2010
- ↑ 2.0 2.1 2.2 2.3 Jules Quartly (6 Hulyo 2007). "Michael's learned to rock". Taipei Times.
- ↑ "Michael Learns To Rock: The Story of MLTR". Scan Music & Booking. Ginhipos tikang han orihinal han 2011-07-19. Ginkuhà Hulyo 3, 2010. External link in
|publisher=(help)