Hautes-Alpes

Hautes-Alpes (05)
Liggienge binn'n Vrankryk
Regio	Provence-Alpes-Côte d'Azur
Hoofdstad (Préfecture)	Gap
Sous-préfectures	Briançon
Ippervlak	5549 km²
Inweuners Bevolkiengsdichtheid	141.107 (2016) 25 inw./km²
Arrondissementn	2
Kantongs	15
Gemêentes	164
{{{foto}}} {{{byschrift}}}

Hautes-Alpes (05) es 'n departement in de regio Provence-Alpes-Côte d'Azur in 't zuudôostn van Vrankryk. Inweuners van Hautes-Alpes wordn Haut-Alpins genoemd.

't Departement is één van de 83 departementn die gecreëerd zyn binst de Fransche Revoluusje, de vierde moarte 1790. 't Bestoat uut 't zuudelykste dêel van de vroegere provinsje Dauphiné. 't Kreeg de noame "Ôoge Alpn" mè da in dien tyd d'ôogste bergtopp'n van Vrankryk in't departement loagn, zynde 't Pelvouxmassief van 4102 mèiters ooge. In't zelfde joar es ôok 't der neefest geleegn Basses-Alpes ountstoan (wa nu Alpes-de-Haute-Provence noemt). Twêe joarn derachter, in 1792, wierd 't hertogdom Savoye deur de Fransche g'annexeerd, wordeure da de Mont Blanc by Vrankryk kwam en da d'n ôogstn berg van 't land wos, mo z'en toch de noame van't departement "Hautes Alpes" nie veranderd. Nog e joar loater, in 1793, es ôok 't departement Alpes-Maritimes ountstoan, achter d'annexoasje van't groafschap Nizza.

Hautes-Alpes grenst in't zuud'n an 't departement Alpes-de-Haute-Provence, in't westn an de Drôme, in't nôordwestn an d'Isère en in't nôord'n an Savoie. 't Grenst o d'ôostkantn ôok an Itoalië, mêer bepoald an de regio Piëmonte.

Hautes-Alpes bestoat uut twêe arroendissementn (Gap en Briançon), 15 kantongs en 164 gemêentes. De grotste gemêentes zyn Gap, Briançon, Embrun, Laragne-Montéglin en Veynes.

De streke es vrêed euvelachtig; Van olle Fransche departementn èit et d'ôogste gemiddelde ôogte boovn de zêespiegel, zynde boovn de duusd mèiters. 't Ôogste punt es 't Pelvouxmassief ip 4102 mèiters. Der zyn mo drie plekk'n in't departement da je stad kunt noem'n: Gap, Briançon en Embrun (wa tout 1926 ôok 'n ounder-prefecture wos). Ôok 't ôogst geleegn dorp van Vrankryk ligt in't departement, zynde Saint-Veran ip 2042 mèiters ôogte. Belangryke riviern in't departement zyn de Durance, Buëch, Drac, Clarée en Séveraisse. In't Hautes-Alpes liggn der twêe nateurparkn: 't Nationoal nateurpark van d'Écrins (wa vôor en dêel ôok in de Savoie ligt) en 't Regionoal nateurpark van Queyras (in't ôostn by 't schee'n mè Itoalië).

• Site van de prefecture van Hautes-Alpes

Ofbeeldiengn die ier by passn ku je vien in de categorie Hautes-Alpes van Wikimedia Commons.