Pavel Butenko

Pavel Butenko (1977-yil 14-dekabrda tugʻilgan) – turkmanistonlik sobiq professional futbolchi, darvozabon ampulasida oʻynagan.

Faoliyatining dastlabki davrlarida vatanida, Ashxobodning „Dagdan“, „Nisa“, „Kopetdag“, „Galkan“ klublarida toʻp surgan. 1998/1999 yilgi mavsumda „Nisa“ klubi tarkibida Turkmaniston chempioni, „Dagdan“ jamoasi bilan esa 1997/1998-yilgi mavsumda kumush medal sovrindori boʻldi.

2002-yilgi mavsumda Oʻzbekistonning „Paxtakor“ (Toshkent) jamoasi tarkibiga oʻtgan. Butenko dastlabki mavsumida Oʻzbekiston chempionatida 10 ta oʻyin oʻtkazgan va Paxtakor jamoasi bilan mamlakat chempioni boʻlgan. Keyingi yili mavsumning birinchi qismida „Paxtakor“ jamnoasida atigi 2 ta oʻyin oʻtkazgan va oʻyin amaliyoti kamligi uchun Namanganning „Navbahor“ klubiga oʻtib, jamoaning asosiy darvozaboni boʻlgan. „Navbahor“ klubi tarkibida 2003 va 2004-yillardagi Oʻzbekiston chempionati bronza medali sovrindori boʻlgan. 2005-yilgi mavsumdan „Mash’al“ jamoasida uch mavsum davomida oʻynagan. Muborak jamoasi bilan milliy chempionatning kumush (2005) va bronza (2007) sovrindori, 2006-yilgi Oʻzbekiston kubogi finalchisi, 2006-yilgi Osiyo chempionlar ligasi ishtirokchisi (2006) boʻlgan. Oʻzbekiston oliy ligasida jami 129 ta oʻyinda ishtirok etgan.

• Oʻzbekiston Superligasi chempioni: 2002
• Oʻzbekiston kubogi sohibi: 2002

• Pavel Butenko Transfermarkt saytida