Эзоп

Эзоп
Асл исми	қадимги юнонча: Αἴσωπος
Таваллуди	мил. авв. 620
Вафоти	мил. авв. 564
Ижод қилган тиллари	Қадимги юнон тили
Фуқаролиги	грек

Эзоп (милоддан аввалги ВИ аср) – юнон масалчиси. Ривоятларга қараганда, Эзоп фригиялик қул бўлиб, сўнг озод қилинган. Лидия шоҳи Крез саройида хизматда бўлган, Делфада ўлдирилган. Антик даврда маълум бўлган деярли барча масалларнинг сюжети Эзопники деб ҳисобланган. Улар милоддан аввалги ИВ—ИИИ асрлардан бошлаб тўпланган ва „Эзоп масаллари“ китобига киритилган. Милодий Х – ХВ асрлардаги қўлёзмаларда 300 дан ортиқ шундай масал сақланиб қолган.

Эзоп масаллари ғоявий жиҳатдан тушкунлик ва умидсизлик руҳида ёзилган, персонажлари (асосан, ҳайвонлар) ўта шартли, воқеалар ихчам баён қилинган; тили содда, жонли тилга яқин. Эзоп масаллари сюжети Европа масалчилиги сюжетининг асосини ташкил этган. Лотин масалчиси Федр (1-аср) ва юнон масалчиси Бабрий (2-аср)дан тортиб Ж. Лафонтен ва И. А. Криловгача Эзоп масаллари сюжетини даврга мослаб ижодий ривожлантирганлар.

• Гаспаров М. Л., Античнне литературнме басни, М., 1971.

Ушбу мақолада Ўзбекистон миллий энсиклопедияси (2000-2005) маълумотларидан фойдаланилган.

Ушбу мақола чаладир. Сиз уни бойитиб, Википедияга ёрдам беришингиз мумкин. к м т Бу андозани аниқроғига алмаштириш керак.