Modulasi pita sisi tunggal

Modulasi amplitudo biasa jeung modulasi DSB ngahambur-hambur bandwidth lantaran duanana kudu mancarkeun bandwidth anu sarua jeung dua kali bandwidth sinyal informasi. Hal ieu bisa ditempo dina gambar di handap ieu:

Lantaran pita sisi luhur jeung pita sisi handap ngandung informasi nu sarua lengkepna, sabenerna urang cukup mancarkeun hiji pita sisi hungkul. Modulasi nu mancarkeun hiji pita sisi ieu disebut modulasi pita sisi tunggal atawa single-sideband (SSB).

Kaunggulan modulasi SSB nyaéta bandwidth nu leuwih hémat. Ngan, kakurangan utamana nyaéta biaya jeung kompléksitas dina prak-prakanana.

Cara langsung pikeun ngabangkitkeun sinyal SSB nyaéta ku cara ngabangkitkeun sinyal DSB ti heula, saterusna nindes salah sahiji di antara pita sisi nu aya ku cara nyaring maké [[Filter (pamrosésan sinyal) |filter]]. Cara ieu katelah padika diskriminasi frékuénsi sarta prosésna digambarkeun di handap ieu.

Dina prak-prakanana padika ieu henteu gampang lantaran [[Filter (pamrosésan sinyal) |filter]]na kudu mibanda karakteristik cutoff anu lungkawing (pasagi).

Padika lianna pikeun ngabangkitkeun sinyal SSB katelah padika gésér fase saperti digambarkeun di handap ieu.

Kotak nu ditandaan ${\displaystyle -{\frac {\pi }{2}}}$ nyaéta panggésér fase sajauh ${\displaystyle {\frac {\pi }{2}}}$ anu nunda fase tiap komponén frékuénsi sajauh ${\displaystyle {\frac {\pi }{2}}}$. Hiji panggésér fase idéal pamohalan ngawujud sacara persis. Ngan urang bisa ngadeukeutan ngahasilkeunana dina wilayah frékuénsi tinangtu.

Lamun ${\displaystyle {\bar {m}}(t)}$ mangrupa kaluaran tina panggésér fase ${\displaystyle -{\frac {\pi }{2}}}$ akibat asupan m(t) mangka sinyal SSB x_SSB(t) bisa dinyatakeun ku:

x_SSB(t) = ${\displaystyle cos\omega _{c}t{\bar {+}}{\bar {m}}(t)sin\omega _{c}t}$.

Lamun nu dipaké téh tanda - (minus) mangka dihasilkeun sinyal SSB pita sisi luhur, sarta lamun dipaké tanda + mangka dihasilkeun sinyal SSB pita sisi handap.

Demodulasi sinyal SSB bisa kalayan gampang dihontal ku cara maké detéktor kohéren saperti anu dipaké dina modulasi DSB, nyaéta ku cara ngalikeun x_SSB(t) jeung sinyal pamawa lokal sarta ngaliwatkeun hasilna kana LPF. Cara ieu digambarkeun di handap.

• Modulasi amplitudo
• Modulasi amplitudo biasa
• Modulasi pita sisi ganda

1. Hsu, Hwei P., Schaum's Outline of Théory and Problems of Analog and Digital Communications, McGraw Hill, 1993