Tropis

Tropis nyaéta daérah atawa wewengkon anu pernahna aya dipalebah/sabudeureun khatulistiwa ^[1] disebut ogé garis isotherm cidekna bisa waé beulah kidul atawa kalér,^[2] daérah anu mibanda iklim tropis bisa waé dina palebah guratan 23,5 darajat lintang kidul jeung 23,5 darajat lintang kalér^[2]. Tropis asal kecap tina basa Yunani "tropicos" anu hartina garis balik, maksudna garis/gurat anu pernahna 23,27 darajat kidul jeung kalereun bumi^[3].

Pedaran

Daérah-daérah anu pernahna aya dina wewengkon tropis bisa dibedakeun kana dua kaayaan; daérah tropis garing anu ngawengku bioma stepa, bioma savana, jeung gurun.^[2] Dérah tropis baseuh/lembab ngawengku daérah leuweung hujan tropis (bioma leuweung hujan), daérah anu mibanda usum-usum jemlék^[2].

Ciri-ciri iklim tropis

Pernahna aya dina 23,5 darajat lintang kalér jeung 23,5 darajat lintang kidul
Hawana karasa panas nyongkab 20-30 darajat, ieu dilantarankeun ku cahaya panonpoé anu manceran lempeng aya di luhureunna
Hawana kawilang netep, henteu aya gunta ganti hawa anu leuwih ti misti (umpamana hawa tiis nepika bijil salju).
Langitna loba haseup ku lantaran tina uap cai anu kapanasan, utamana cai laut.
Usum hujan leuwih lila jeung dinamangsa hujan kawilang gedé (ngagebrét)
Daérahna kawilang subur, ku lantaran usum hujan leuwih lila
Panonpoé moncorong sapanjang taun
Ngan mibanda dua usum tayalian usum hujan jeung usum halodo
Tatangkalan anu aya di wewengkon tropis leuwih kékép jeung kelirna héjo^[2]

Nagara-nagara anu mibanda iklim tropis

Beulah kulon

Nagara Amerika tengah
Kapuloan Karibia
Nassau di Kapuloan Bahama
Amerika beulah kidul ; Kolombia, Ekuador, Peru, jeung sajabana
Sawaréhna nagara Mexico^[2]

Beulah wétan

Tatangalan anu aya di daérah tropis=

Leuweung di di wewengkon tropis mibanda ciri mandiri pangeusina leuwih kékép, dauna garomplok ku lantaran kitu leuweungna jadi leuwih poék. Sababaraha tangkal anu hirup di leuweung tropis:

Meranti (Shorea dan Parashorea)
Keruing (Dipterocarpus)
Kapur (Dryobalanops)
Kai Beusi (Eusideroxylon zwageri),
Kai Hideung (Diospyros sp)
Sabangsaning Palem (Palmae): Kalapa, Jambé, Bingbin, Jeung sajabana
Albasiah (Acacia auriculiformis)
Jeung sajabana ^[2]

Sasatoan anu aya di daérah tropis

Sabudeureun Afrika ;Gorilla, gajah, peusing, onta, kuda nil, jeung sajabana
Di Asia ; Badak, gajah, maung, biruang, mencek, uncal, jeung sajabana
sabudeureun Australis ; Cendrawasih, Kiwi, platypus, jeung réa-réa deui
Di Afrika tengan jeung sabudeureuna : Rupa-rupa kalong, banténg, lauk piranha, kungkang , jeung réa-réa kénéh ^[2]

Dayeuh anu mibanda iklim tropis

Nairobi, Kenya (1.3º S)
Singapura (1.4º N)
Jakarta, Indonesia (6.11° S)
Manila, Filipina (14.35º N)
Bombay, India (19.1º N)
Rio de Janeiro, Brasil (22.9º S)

Tutumbu kaluar

Wikimedia Commons mibanda média séjénna nu patali jeung Tropis .

Tropen, Goethe-Institut http://wayback.archive.org/web/20150311063809/http://www.goethe.de/tropen (bilingual web site English/German with a lot of information and extracts from novels, short stories, essays, etc. written by explorers, conquerors and writers since the discovery of the so-called New World)

Tempo ogé

Dicutat tina

↑ Tropis téh nyaéta
↑ ^a ^b ^c ^d ^e ^f ^g ^h ⁱ Lebah-lebahna Khatulistiwa Archived 2016-08-31 di Wayback Machine
↑ Tropis tina basa Yunani

Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.

[1] Tropis téh nyaéta

[iklim-2] ↑ ^a ^b ^c ^d ^e ^f ^g ^h ⁱ Lebah-lebahna Khatulistiwa Archived 2016-08-31 di Wayback Machine

[3] Tropis tina basa Yunani

[1]