Alergi

**Alergi**
*Klasifikasi jeung sumber luar*
	Urtikaria adalah ciri umum dari alergi.
ICD-9	995.3
DBPanyakit	33481
MedlinePlus	000812
eMedicine	med/1101
MeSH	D006967

Alergi nyaéta balukar anu kaleuleuwihi sistem kakuatan awak waktu zat ahéng atawa alergén asup kana awak. Ieu kaayaan dibalukarkeun ku zat anu teu ngabahayakeun sacara médis saperti kadaharan, serbuk sari, obat, kebul anu kotor jeung hawa tiis. Ieu gangguan kaséhatan teu narajang kabéh sistem imun manusa. Ngan keur sababaraha urang mah kana hal-hal anu tangtu téh bisa ngondang réaksi anu kaleuleuwihi tina sistem imun kana zat anu asup.^[1]

Gejala

Ruam (barentus beureum dina kulit anu karasa gateul).
Kulit boléksék atawa nyeri.
Irung gateul, mepeg jeung léhoan.
Panon beureum, bareuh, jeung ngaluarkeun cacai.
Beresin-beresin.
Nyeri beuteung.

Gejala bakal leuwih parna lamun geus loba kakeunaan alergén, contona saperti kieu.

Kram beuteung.
Rasa nyeri atau sesek dina dada.
Kakeunaan diaré.
Hésé atawa nyeri ngeleg.
Karasa lieur nepi ka kapiuhan (vertigo).
Loba kasieun jeung hariwang.
Beungeut beureum bakat ku ningkatna suhu awak.
Sebel atawa utah.
Jatung ngeleper.
Bareuhna raray, panon, biwir, atawa létah.
Awak leuleus.
Batuk mengi.
Kasorang asma.
Hésé napas.
Leungit kasadaran.^[1]

Faktor

Génétik, lamun aya anggota kulawarga anu kakeunaan alergi aya résiko bisa tatalépa anggota kulawarga anu lian.
Kasorang panyakit séjén, jalma bisa kakeunaan alergi lamun dirina kakeunaan panyakit asma, kaligata, atawa éksim. Ieu sababaraha alergen di handap mindeng nyababkeun alergi nyaéta:
- Serbuk sari, bulu sasatoan, toko, jeung sajabana.
- Kadaharan anu tangtu, saperti kacang, gandrum, kedelé, lauk, kerang, endog, jeung susu.
- Diseureud ku tiwuan.
- Obat-obatan anu tangtu, utamana golongan antibiotik atawa pénisilin.
- Bahan anu tangtu, contona latéks.^[2]

Obat

Obat, obat alergi bisa ngurangan gejala alergi nu hampang. Conto obatna nyaéta antihistamin, kortikosteroid, jeung dekongestan. Ieu obat bisa dimeunangkeun sacara bébas atawa resep dokter.
Suntikan epinefrin, lamun ngalaman anafilaksis, dokter atawa petugas médis lamun langsung méré suntikan epinefrin keur ngurangan gejalana sangkan teu nyaliara leuwih parna.
Imunoterafi, jenis terapi anu bisa dilakukeun ku dokter. Imunoterapi dilakukeun ku cara méré suntikan salila sababaraha taun keur mantuan awak anu kakeunaan alergi sangkan biasa ku alergen nu tangtu. Ku kituna, réaksi alergi bisa dikurangi atawa dicageurkeun.^[2]

Rujukan

↑ ^a ^b Lestari, Diah Ayu. "Alergi: Definisi, Gejala, Penyebab, Obat, Mencegah, dll.". Hello Sehat (dalam id-ID). 27-08-2020. Diakses tanggal 2021-05-19.
↑ ^a ^b Sari, Joni Indah. "Alergi | Tanda dan Gejala, Penyebab, Cara Mengobati, Cara Mencegah". SehatQ (dalam Indonesian). 11 Nov 2019. Diakses tanggal 2021-05-24. Archived 2021-05-24 di Wayback Machine

[:0-1] Lestari, Diah Ayu. "Alergi: Definisi, Gejala, Penyebab, Obat, Mencegah, dll.". Hello Sehat (dalam id-ID). 27-08-2020. Diakses tanggal 2021-05-19.

[:1-2] Sari, Joni Indah. "Alergi | Tanda dan Gejala, Penyebab, Cara Mengobati, Cara Mencegah". SehatQ (dalam Indonesian). 11 Nov 2019. Diakses tanggal 2021-05-24. Archived 2021-05-24 di Wayback Machine

[1]