Virismu

Lu Virismu fu nu muvimentu littiràriu e artìsticu talianu ca si sviluppò ammeri la fini di l'Ottucentu nzinu a lu princìpiu dô vintèsimu sèculu; rifacènnusi ô Naturalismu francisi e ô Pusitivismu, tiurizzava na pricisa fidilità a la rialità (ô "veru") di li situazzioni, dî fatti, di l'ambienti, di li pirsunaggi e na currispunnenza cô modu d'èssiri e dû parrari di li suggetti ca vinìanu rapprisintati.

Tra li rapprisintanti littirari cchiù rapprisintativi ci foru Giuvanni Verga, Luiggi Capuana e Fidiricu De Robertu, mentri li spunenti musicali cchiù mpurtanti ci foru Pietru Mascagni e Ruggeru Liuncavaddu.